一首《傻女》，全城瘋狂，李逸朗的重唱版，連陳慧嫻都要發表意見。
老友說：「好心佢啦，如果我係佢，我真係唔會拎出嚟獻世。」我說：「唔係喎，如果我係李逸朗，我覺得我做得超級啱。」
真的，李逸朗出道超過10年，一直沒為觀眾留下太深記憶，近年更北上祖國賺人仔，其名字早已遠離大眾意識。忽然之間，「呀～～～」慘叫幾聲，五雷轟頂，大家都不得不再好好正視，世上有一個叫做李逸朗的藝人，Whether you Iike him or not，試問有何不好？
老友續說：「唓，呢啲15分鐘名氣，爭得到又有咩用？」我反駁：「Come On，如果你在娛樂圈浮浮沉沉咗10年，連15分鐘名氣都從未擁有過，係唔係仲冇用？」
當然，做歌星，誰不想像張學友，到倫敦Abbey Road錄製發燒碟？又有誰不想像千嬅，在紅館舞台享受萬千寵愛？但更多的歌手，連吳若希的成就都達不到，只能借助一些方法突出重圍，那管有多古怪，只要換到名氣，在網上被Trending，就有商演、接廣告、出席活動的機會，也有話題給記者報道一下，全都是有錢可賺的實際利益，甚至百貨應百客，有粉絲，他們真心覺得你好正，認定你只是另類不是難聽，並相信你比林奕匡和方皓玟都好聽和有意思。
最後聲明：As Much As我替李逸朗設身處地着想，但絕不代表我喜歡聽《傻女》，Thanks, but no thanks。
網址：www.chan-wai.com