Tap Titans無聊喪篤 RPG

搭車、等人呢啲無聊時間，最好梗係打吓機，但好多手機遊戲Apps都要用腦，既花精力又嘥腦力，玩完分分鐘仲攰。近期新上架嘅《Tap Titans》可說是Kill Time之選，除了玩法簡單，喪篤就過到關之外，仲加入RPG打怪升級元素，怪獸會無間斷彈出，扮演劍士嘅玩家只要不斷篤芒即可作出攻擊，打怪零壓力。唯一較緊張係打Boss時，除了血量比較多之外，仲有時間限制，要密啲手同出絕招。當中還加入不少升級元素，利用打怪所收集嘅金幣，強化攻擊力和招數，另可以買隊友幫拖，佢哋仲識得自動攻擊，「升呢」話咁易。