Inspire 1雙遙控 拍住上

雙人協同拍攝

今次Inspire 1特別加推雙遙控套裝，唔係驚大家肉緊得滯玩爛個遙控器，全因它支援雙遙控協同操作，即是兩個遙控器能同時配對航拍機，一個負責操控機身，飛左飛右追蹤主體或找尋靚位；另一個則調校鏡頭取景及攝錄，而且可配合《DJI Pilot》App，於手機或平板預覽地圖或拍攝畫面。值得一提是遙控器跟同廠Phantom系列有所不同，內置Lightbridge系統令接收範圍達2公里咁遠，跨越一個山頭都唔成問題，背面更備有HDMI和USB插口，用來連接顯示裝置作擴充之用。

室內視覺定位

若各位有玩過DJI航拍機，都知道不少型號需要透過GPS搜尋衞星訊號，才能作自動返航及懸浮操作，所以喺室內基本用唔到呢啲功能。為此新機於GPS系統外，加入視覺定位系統，特別於底部設置感應器，能自動判斷飛行的位置和高度，唔使GPS系統都做到空中懸浮等動作，換言之喺室內環境一樣玩到。另設有一鍵起飛和一鍵降落功能，喺室內操作升降易如反掌。

採用碳纖支架，輕巧之餘亦提供一定強度。而4,500mAh電池約可飛行18分鐘。	採用四軸設計的雙葉螺旋槳，可拆下收藏。	底部設有感應器，可於室內利用視覺定位系統判斷位置和高度。

360度旋轉鏡頭

Inspire 1另一過癮之處係可於空中變形，飛起時碳纖支架會帶動四軸螺旋槳升起，降落時則會緩緩落下。原來升起螺旋槳唔係為咗要型要靚，而係避免航拍時影到螺旋槳；機身配備嘅94度視角鏡頭採用三軸雲台設計，擺動幅度達垂直90度及旋轉360度，攝錄角度相當廣闊，就算飛行時遇上強風，畫面都依然穩定。新作稱得上旗艦產品，鏡頭質素自然有保證，能拍到4K@30p影片，亦可影到1,200萬像素相片，故定價要兩萬多元呢！

遙控器背面設有HDMI和USB等插口，方便接駁顯示屏。	透過《DJI Pilot》手機App能於智能裝置預覽地圖或拍攝畫面。	除單人操控外，還可兩個人一齊玩，只要啟動雙人協同拍攝，兩個遙控器便可分別控制機身和鏡頭，分工合作。

OTG產品經理兼航拍專家Benny Lam

「Inspire 1的操作和規格較為專業，主要對象係畀同廠Phantom系列的航拍玩家升級。之不過無論喺戶外或室內玩，都要避免在別人頭頂飛過，事關Inspire 1嘅視覺定位系統，有機會以為頭頂係平地，從而影響降落或造成危險。」

Inspire 1的重量差唔多3kg，模特兒要雙手先拎得住。	OTG產品經理兼航拍專家Benny Lam	Big Balance Husky HY2手持電動雲台。售價：$2,580

同場加映 手持雲台及電動鞋

現場除了以Inspire 1航拍工具作主打外，更帶來兩款新產品，其一是Big Balance Husky HY2手持電動雲台，能配合智能手機、GoPro和相機等操作，手持拍攝會自動平衡機身，達到穩定效果。另一款Rocketskates電動鞋亦相當有Gimmick，用家穿上腳後會根據腳部動作滑行、急停等，預計2月正式推出。

規格表

拍攝畫質：最高4K＠30p（短片）、最高1,200萬像素（相片）

鏡頭視角︰94度

電池容量︰4,500mAh

兼容系統︰iOS、Android

體積：438×451×301mm

重量︰2,935g

數字人生：王雪紅

50：《The Wall Street Journal》選為2005年全球最值得關注的50位商界女性。

56：1958年於台北出生，現年56歲，有台灣女首富之稱。

1987：1987年創立威盛電子（VIA），為全球最大晶片組設計公司之一。

1997：1997年成立HTC，主力生產智能手機等產品。

撰文：黎子豪

攝影：張群生

查詢電話：3589 4189