自換Op Amp耳擴 Vantam「聲」級之選

市場上的便攜耳擴選擇眾多，由數百元至數千元都有，如果想玩得更Pro，可考慮日牌VentureCraft新推出嘅Vantam。佢集輕巧機身與靚仔外形於一身，最特別係可自行拆機換Op Amp，為耳擴調校出最啱自己嘅靚聲，實用又好玩！

售價：$5,099（a）（不連手機及耳筒）<br>體積：126×66×18mm<br>重量：180g

售價：$5,099（a）（不連手機及耳筒）
體積：126×66×18mm
重量：180g

簡易更換Op Amp

便攜耳擴當然愈輕巧愈好，好似Vantam僅重180g，比時下不少大芒手機都要細同輕，其鋁製外殼配以碳纖框架，拎上手亦夠紮實。細看機身還會發現兩側藏有幾口螺絲，用家只要以螺絲批扭開即可自行更換Op Amp。由於不同廠商的Op Amp晶片，有着不同聲音特性，有些着重人聲圓潤感，有些突出低頻層次，用家可根據自己的喜好換Op Amp調控，組裝過程只需一、兩分鐘。要留意的是Op Amp價錢由百幾元到幾千元都有，好似已停產的軍用級TI OPA637SM，售價就貴到成$3,000。

2.5mm全平衡插口

作為逾$5,000的耳擴，Vantam用料同設計走高階路線，用上TI PCM1795旗艦級解碼芯片，非平衡線路則用上TPA6120放大，輸出可達80mW×2。值得留意是Vantam支援左右聲道獨立運作的全平衡耳機，用上一如高階DAP的2.5mm全平衡插口，以獲得頂級靚聲。其他接駁介面亦相當齊全，無論係iPhone、Android手機或其他DAP，都可輕易連接使用。另提供升頻功能，只要於機面撥選所需的取樣率，耳擴即可透過DSUS升頻技術，將壓縮音樂檔案升頻至最高32-bit 192kHz高解析度，令音色細節盡現。對應格式方面除了一般MP3、AAC、ALAC、WAV等之外，亦兼容DSD訊源。

Op Amp設於機頂音量旋鈕附近，可以螺絲批撬起更換。

只需於機面「啪掣」，便可將輸入訊源升頻至32-bit 192kHz取樣率。

專家意見

影音專家陳立強（大魚）表示：「選購耳擴時最好先問自己點樣用。會喺巴士用？屋企用？如果主要是拎出街用的話，當然以輕巧為首選。另要睇自己用甚麼器材聽歌，部分手機冇內置解碼芯片，即使輸出至耳擴處理，未必會有上佳效果。而換Op Amp可演繹到唔同音樂風格，例如換粒Burr-Brown芯片，可將音色調得更有Hi-Fi味，迎合發燒友要求。」

機頂設有2.5mm全平衡輸出插口，可接上全平衡耳機聽歌。

機身兩側共只設4顆螺絲，自己拆機升級都好方便。

更換Op Amp（箭嘴示）便可改變音色，建議選購晶片時向有信譽的店舖入貨。

便攜耳擴選擇多

玩便攜耳擴同玩其他音響一樣，都係豐儉由人，最平幾百元都有得玩。影音舖店長Eddy教路，用家可因應自己對音色的要求而選購，最重要係量力而為同親身試聽！「平時只用手機聽歌的入門用家，多數會買一、二千元的耳擴提升音質。如玩開靚聲DAP的話，對音色會有更高要求，通常都捨得畀多少少追求發燒級產品。」

Vantam用的是TI LME49860 Op Amp晶片，可自行升級更換。

HA-1體形細低音強
售價：$390（b）

HA-P50高階DAC芯片
售價：$1,980（b）

HA-1體形細低音強

大家信唔信這個Size激細、重18g的Lars & Ivan HA-1係一個耳擴？作為本地出品，佢只賣三百多元嘅原因係僅得Line-in輸入，可加強重低音效果，吸引不少入門用家選購。

The International+續航力長售價：$2,980（b）	Traveller設計簡約體貼售價：$3,980（b）	影音舖DMA店長Eddy表示，便攜耳擴價位相差甚遠，各位應親身試聽過才買。
影音專家陳立強