新年有乜新計劃？其實最緊要身體健康！iPhone 6其中一個好玩嘅功能係植入「健康」（Health）應用，自動幫大家記住行咗幾多步、幾遠同幾多層樓梯，隨身帶住手機就知道自己每日嘅運動量。想玩多啲當然冇問題，不少新Apps都支援Health功能，可以話「iPhone 6在手，健康我有」！
「健康」是專為iPhone 6/6 Plus編寫的應用工具，小記最初以為只是噱頭，點知用落幾方便，打開程式後下方會顯示4個選項，包括綜合統計、健康數據、來源及醫療檔案，用家可於「來源」一項，揀選需要讀寫數據的Apps，另可於「健康數據」選擇想睇的資料如睡眠時間、心跳率、步行跑步距離或者營養元素等，當然部分選項要安裝對應的程式或者連接相關配件方能使用。
相信好多跑友都用過《Runtastic》記錄跑步資料，這程式的功能全面，可配合GPS顯示速度、路線等。免費版已可從「健康」中讀取出生日期、性別、身高、體重資料，唔使自己重新輸入咁麻煩。Pro版更可睇番跑步統計，並加入語音教練及訓練目標等，試完免費版覺得啱用的話不妨升級。
《Strava》支援「健康」功能較為廣泛，除了可讀取個人資料外，亦可將步行跑步距離、運動熱量、踏單車距離及體能訓練資料寫入系統，功能更多元化。此App還加入社交網絡功能，以便與志同道合的朋友交流。
之前《UP by Jawbone》要配合Jawbone推出嘅智能手帶追蹤器才用得到。而這個變成紫色Icon嘅同名App，則專為iPhone 6而設計，毋須手帶便可將手機變成感應器，幫各位每天記錄運動量，或者輸入飲食餐單、睡眠時間等。小記覺得最正係程式備有虛擬教練Smart Coach提點，等自己調校運動進度。
喺App Store搵「7 Minute Workout」，即時會有好多程式畀大家揀，聽住手機提示或睇住短片做7分鐘運動，對Keep Fit幾有效。當中由Bytesize推出的《7 Minute Workout》，支援iOS的「健康」工具，可將燃燒卡路里嘅資料傳送和記錄，方便管理；想全面啲玩多幾樣運動，更可升級Pro版。
都市人想瞓個好覺都唔易，《Sleep Better》可為各位分析睡眠質素，瞓覺前只要將iPhone接上電源並放喺枕頭邊，校定鬧鐘叫自己起身，App便會列出圖表，讓用家知道當中有幾多時間係深層睡眠同有冇效率。程式好在可於臨瞓前輸入當日有否做過運動、工作是否大壓力、有否飲過酒等，令分析更準確。
留意卡路里攝取量和控制體重，都同健康息息相關。《MyFitnessPal》可說是iOS卡路里計算App中較好用的一個，本身的食物資料庫龐大，有逾300萬種食物，仲可跟「健康」程式連動，如獲得每日運動量或者體重資料等，讓用家調整卡路里目標，運動量大嗰幾日，便可食多少少獎勵自己啦！
20：1995年於Sun Microsystems設計出Java平台核心，今年踏入20周年。
59：於加拿大出生，現年59歲，被稱為Java之父。
2002：2002年被《經濟學人》雜誌授予發明獎。
2015：2015年獲IEEE頒發約翰馮紐曼獎，表揚他對業界之貢獻及成就。
撰文：布偉倫