米食戲法

煙韌大鑊飯

提起西班牙飯（Paella），總會與海鮮畫上等號，而大坑新店Paella Paella這大鑊飯，卻能變化出多種食法，豈止於海鮮咁單調呢！大廚Vincent曾到巴倫西亞及巴塞隆拿學藝，回港後搞搞新意思，自創出9款新穎款式Paella，像煙熏雞配雅枝竹、黑毛豬柳風腸、鱈魚柳鯷魚等，知道港人「受軟不受硬」，更選用Arroz Redondo西班牙新米炮製，貪其夠煙韌，容易控制軟硬度。Vincent會炒熟米粒才分別加入雞湯、龍蝦湯、海鮮湯熬煮，由於即煮要等30分鐘左右，米飯煮熟後粒粒分明吸滿湯汁，以圓鍋盛載奉客，分量足夠二人享用。

Tapas湊米氣

除了西班牙飯，店子還採用靚米炮製多款Tapas及甜品，Vincent掌握了傳統小食做法，烹調炸小鯷魚、炸魷魚、西班牙奄列、Croqutte都無難度。不少菜式更以Arroz Redondo製成，如西班牙黑布甸配麵包，所謂的「黑布甸」就是由黑毛豬血和西班牙米製成，入口唔會腥，質感結實得很，更利用洋葱醬去提升布甸的食味，配合卜卜脆的麵包，層次豐富。甜品都要用米！由牛奶、橙和檸檬皮煮成的米布甸，軟綿香滑，配上無糖的雲呢拿雪糕，面層灑上肉桂粉和橙皮，搭配濃濃米香，味道剛剛好。

香米布甸雲呢拿雪糕 $68 米布甸先用牛奶、橙皮、檸檬皮和肉桂煮上3至4小時，甜而不膩，面層是自家製的無糖雲呢拿雪糕，伴暖暖米飯吃，一凍一熱，口感過癮。

慢煮西班牙八爪魚配薯仔 $128 西班牙人煮海鮮甚有心得，像這道Tapas只取八爪魚中間最柔軟部分慢煮兩小時而成，配上軟糯的薯仔，淋上橄欖油和紅椒粉，簡單而富鮮味。

Paella Paella

地址：大坑浣紗街9號地下

西班牙黑布甸配麵包 $38 黑布甸是以黑毛豬豬血和西班牙米製成的血腸，口感結實，不易散開，配上洋葱Jam和脆包同吃，醒胃。

Paella Paella

查詢電話：2811 2851

咖喱忌廉汁漢堡扒蛋包飯 $108 店中的精選，和牛漢堡扒以人手打製，每日只賣30份，肉味香濃，入口幾乎即化，伴上半熟的嫩蛋，絕對是下飯的好拍檔。	咖喱濃茄汁蛋包飯 $78 特濃茄汁有股香甜蔬菜和肉味，與微辛刺激的咖喱汁和嫩蛋同吃，相輔相成，好滋味！	迷你薯仔沙律 $18 百分百薯仔做成，加入青瓜、洋葱等蔬菜，清新香甜，而且不會水汪汪，好吃。

嚴選秋田靚米

日本拉麵店在香港開到成行成市，咖喱飯專門店卻很少，難得最近於灣仔汕頭街出現了主打咖喱飯的「貓之眼」。店主Ben在日本讀書期間，曾於淺草一間老字號洋食店工作，獲得老師傅傳授烹調秘笈，回港後創業。店子小小的只可容納18人，餐牌上提供數十款美食，可以說是貴精不貴多。

選用優質的日本秋田米，入口Chewy富嚼勁，一碗白飯也盛惠$22。

貓之眼

為呈獻日本國民級美食，Ben用料相當講究，首先選用秋田米；在日本超市中，屬於1公斤$100以上的良品，只因以零污染的水源栽種，粒粒圓潤亮白，煮成飯後黏性高且香甜軟糯，富濃郁的米氣，對米癡而言吸引力超強。

四大醬汁取勝

咖喱飯靈魂之一的咖喱汁，由35種香料、蜜糖及大量炒過的洋葱熬煮而成，微微辛辣又帶點甜香。如果嫌淨食咖喱太悶，可以多選兩款不同醬汁，如牛肋濃茄汁就以番茄、洋葱、甘筍低溫慢煮8小時而成，肉味濃郁。又或日式忌廉汁，用上4.3牛奶、鮮忌廉、香料和雞件煮成，奶香十足，配搭嫩蛋同吃，滋味得很。最後可選餐廳自家製漢堡扒，以牛肉、豬肉香料和蔬菜人手打製，煎香後肉汁依然豐沛，淋上由牛肉、牛骨、蔬菜、紅酒等煮3天而成的Demi-glace Sauce，伴甘香的秋田米飯，三扒兩撥話咁快掃光了一整碟。

貓之眼

地址：灣仔汕頭街25號地下

查詢電話：2891 8986

撰文：鄭珮琪

攝影：梁偉德、胡振文