其實只要聽到Supreme和The North Face兩大品牌走埋一齊，大概都會估到是次聯乘系列又再次搞到大家左撲右撲。繼過往數季先後玩過豹紋、地圖、國旗和3M反光等設計後，最新一回聯乘就改用上Hip Hop風格甚濃的Bandana（腰果花圍巾）作設計，將紅藍黑三色之腰果花圖案（Paisley Pattern）融入設計中，除推出高收視兼且着用度高的機能性外套Mountain Parka外，更推出睡袋、保暖鞋、手套及旅行箱等山系風格產品，完全切合秋冬季度進行戶外運動的需要。根據過往經驗兩牌聯手合作每次都極速斷貨，真係有買趁手！