水晶球Snapshot「圓」美聖誕

年年聖誕都影商場燈飾，究竟有冇新玩法？今次一於請水晶球出馬，唔係唸「Mali Mali Home」變出魔法，而係請水晶球攝影聯盟facebook群組創辦人周景成（Edward），利用一百幾十元就可買到嘅水晶球，拍出夢幻般的聖誕布置微縮效果。自己玩得開心之餘，放上facebook應該可呃多幾個Like！

大光圈鏡頭最啱用

早年日本興起「宙玉」攝影，即是利用迷你水晶球加於鏡頭前方，讓景物主體變成球形魚眼效果，配合虛化散景營造出夢幻般的相片。原來類似玩法不僅適用於戶外拍攝，放到室內影聖誕布置和商場裝飾一樣啱玩，Edward今次便以手持水晶球示範拍攝技巧。「商場大多光度較弱，亦唔容許使用腳架，所以我多數會手持水晶球拍攝。不過一手拎機一手拎水晶球容易手震，故需要設定較高快門速度，建議將相機ISO推高，或者使用一支大光圈定焦鏡頭，便可得到不錯效果。」如果貪方便的話，用手機Snapshot一樣可玩到水晶球攝影呢！

視乎現場環境執生

構圖方面，拍攝時多數會將水晶球放於相片中央或左右下角位置，可突出水晶球內的微縮影像，不過Edward話最重要係視乎環境「執生」，拍攝時要拎住水晶球試多幾次位。好像今次去到東薈城商場長廊，聖誕燈飾離地十幾呎高，而且分布較散，透過水晶球便可將燈飾壓縮整合。講咗咁耐，究竟邊度買到水晶球呢？Edward話大多影友會透過內地或日本網購網站寄來香港，水晶球尺寸由30mm至100mm不等，價錢則視乎質量由幾十元起。「外攝時我會同群組朋友每人帶唔同尺寸嘅水晶球Share嚟玩，自己較常用的是80mm，貪佢對焦容易又唔重。各位要留意水晶球內的影像會同背景上下倒轉，事後執相時可將相片180度倒轉。」

3種DIY玩法<br>手持水晶球<br>可手持水晶球或將它放在透明底座拍攝，不過要留意大多商場不准使用腳架，建議拍攝時調高快門速度。

3種DIY玩法
手持水晶球
可手持水晶球或將它放在透明底座拍攝，不過要留意大多商場不准使用腳架，建議拍攝時調高快門速度。

凸透鏡膠片<br>用亞加力膠片加上小型凸透鏡，DIY成本較低，但要自行在膠片中央鑽窿打磨，要花些少工夫。

凸透鏡膠片
用亞加力膠片加上小型凸透鏡，DIY成本較低，但要自行在膠片中央鑽窿打磨，要花些少工夫。

自製道具扮水晶球

除咗手持水晶球，其實只要花點心思DIY道具，一樣拍到類似效果，Edward今次帶埋自製嘅凸透鏡膠片跟水晶球薯片筒。「一塊透明亞加力膠片只不過$10，中央一塊小型凸透鏡幾元有交易，只要仔細地在膠片中央鑽窿，再逐小打磨安裝凸透鏡即可。至於薯片筒的製作方法較複雜，其長度可因應鏡頭焦距而裁短，不過較難是在筒蓋開一個洞，再安裝迷你水晶球。有人喜歡在膠蓋上安裝波子，但需要配合微距鏡拍攝，所以我會用上30mm水晶球，令一般鏡頭都用得到。」兩者之間，小記較鍾意凸透鏡膠片，皆因它輕巧便攜，但唔好處係容易留低指模。唔知大家有冇興趣DIY番個呢？