街坊商場人氣薄餅店

大眾化路線

要在人來人往的商場中穿梭，像置身迷宮，幸好店子以黑白兩色為主調，簡約而企理，跟鄰近舖位風格大不同，才算易找。店子的老闆，是三十出頭的Albert和Donald，二人在三藩市唸大學時認識，經常聚埋煮飯仔而成為好友。回港後輾轉創業，見商場人流旺節奏快，於是選擇開薄餅店，貪其製作既方便又快捷之餘，價錢亦夠大眾化，堂食外賣夠靈活。

足料兼抵食

半途出家造薄餅，二人坦言是新體驗，靠參考網上食譜、向朋友請教兼在屋企試足半年，才拿出來見世面。新鮮餅底以高筋麵粉自己搓，每天分3批炮製，厚薄適中批邊脆。9款薄餅，不少是大家見慣的口味，塗上自家秘製的番茄醬，勝在料落得足；12吋的薄餅切成4件發售，吃一件已夠飽肚，佐以加入生薑水的Lemonade，比起飲汽水更滋味，難怪客人如鯽。二人在窗後的廚房做到無停手，算是踏出了成功的第一步。

HOMEMADE $40/件、 $148/原個 只在火箭菜夠靚時才推出的招牌口味，以Serrano火腿取代Parma Ham成為親民版本，不過就落足黑橄欖和番茄等意國食材。	西班牙火腿沙律 $34 沙律菜不用現成來貨，每天在店內洗洗切切，上面數片Serrano火腿不會過鹹，清新平衡。	門面在密質質的廣場中尚算開揚，可容納堂食座位十餘個。

撰文：盧振宇

攝影：郭凱敏

查詢電話：3426 9328