眼見年輕一輩爭取真普選之決心難以磨滅，有政府官員提議在社區大搞「青年舞會」，好等年輕人「宣洩精力」及「發洩對社會及政府的不滿」。
我有權懷疑，呢單嘢係黃修平導演佢哋搞出嚟嘅《狂舞派》續集宣傳。
讓我衷心說一句，諗出呢條「跳舞忘普選」絕橋嘅人，一定係天才。
我哋呢啲從事創意行業嘅人，莫講話跳舞，本身都冇乜特定興趣，最鍾意就係同人Brainstorm一下撞吓橋。一遇見「青年舞會」呢啲萬年難得一見嘅好橋，喺呢個Moment，我要爆喇！
首先，我建議政府同日本政府合作，安排一眾在港大受歡迎的日本女優來港，一同宣傳並親身參與供年輕人參加的「十八區青少年射射射射它吧射擊大賽」。
場內標靶可一律貼上政府官員之Q版肖像，訓練參賽青少年之集中力，從而減卻他們對政府之怨恨。
另外，我又建議政府可考慮在公立醫院育嬰房增設專業級中央音響設備，在房內24小時不停播放歌頌祖國萬歲的紅歌發燒天碟。
更可搞個維穩巨星匯，請來溫兆倫呀王晶等多才多藝的演藝界人士在房間內即席獻唱，讓嬰孩們從零歲開始便有機會認識祖國的強大，增添對祖國的歸屬感，好等他們成為下一代傑出華人青年。
呀，仲有，政府可以考慮在主要佔領區內興建青年住屋，那便一舉解決青年住屋問題和青年佔領問題了。管理香港就是這麼簡單，你話幾好呢。
網址：www.facebook.com/linrixi