影出夢幻俏臉Desire Eye新神器

撞色防水機身

要成為女士心目中嘅神器，外觀好重要。HTC深明此道，於Desire Eye一改One系列的金屬冷感，改以塑膠機身並大玩橙白、雙藍撞色效果，比一般非黑即白嘅手機靚得多，拎上手都開心啲。講到拎上手，新機採用渾圓設計，厚度僅8.5mm，就算屏幕有5.2吋之大，女仔單手揸機都感覺自在，Hold住自拍都唔怕手震。另一賣點是符合IPX7防水認證，可於1米水深下運作30分鐘，真正出水能拍、入水能影，最抵讚是所有介面都經過特別處理，毋須保護蓋就防到水，操控自然更方便。

醜小鴨變天鵝

新機前後置鏡頭嘅畫質都達1,300萬像素，並前置雙色閃光燈及BSI感測器，於低光環境下依然可拍出清晰人像。除了基本的實時美顏幫你漂白美肌外，它還對應分鏡及聲控自拍功能，前者可同時拍下前後影像，並於同一畫面分割顯示；後者能辨識廣東話，講句「影喇喂」或「1、2、3」即可自拍，比按實體快門方便好多。

遊人點睇 馬來西亞遊客Fion︰「美顏效果好好，漂白得來唔覺假，而且講句嘢就影到靚相，好方便。」	視像對話支援人臉追蹤，最多可把四張人臉分割顯示。	支援畫面分享功能，可把自己手機的畫面經視像分享給對方。

更爆趣是加設人臉融合功能，小記走進迪士尼樂園試拍，將灰姑娘和貝兒兩張相一拉變臉桿，即可結合二人臉部特徵，之後仲可製成相片或影片，以後醜小鴨變天鵝話咁易！

備有橙白及雙藍兩隻色Tone選擇，感覺年輕。	人臉融合功能把兩張臉二合為一，效果爆趣！	對應分鏡拍攝，前後置鏡頭景物可同時入鏡。

創新視像玩法

硬件規格亦唔弱，有齊2.3GHz四核心處理器、2GB RAM、16GB內存等，另備有BoomSound立體聲前置喇叭，音色響亮清晰。此機還兼容FDD-LTE及TD-LTE兩種4G制式，中港兩邊走都可極速上網。

針對視像通話功能，它可持續追蹤四張人臉並於畫面分割顯示，還能將手機畫面同步與對方分享，打破以往視像通話定要面對面的框框。新機定價$4,298，比當初傳聞平好多，亦唔似其他神器般要捱炒價，經指定經銷商購買仲可延長3個月中港聯保服務，用得更加安心。

規格表

制式︰GSM、WCDMA、LTE

處理器︰Qualcomm Snapdragon 801 2.3GHz四核心

記憶體︰2GB RAM、16GB內存、支援microSD

屏幕︰5.2吋（1,920×1,080解像度）

鏡頭︰1,300萬像素

對外連接︰藍芽4.0、microUSB、 Wi-Fi、NFC

作業系統︰Android with HTC Sense

體積︰151.7×73.8×8.5mm

重量︰154g

實時美顏畀人睇咗執靚嘅效果先，之後講「影喇喂」即可自拍。	僅厚8.5mm，配合圓渾機身，手感不俗。	一體成形設計，要從機側安裝nanoSIM卡及記憶卡。

同場加映：HTC RE潛望鏡

同場還有另一自拍機仔HTC RE，外形似足彎彎嘅潛望鏡，只要按一按頂部快門掣，即可拍出146度超廣角1,600萬像素相片，並支援1,080p高清錄影、慢動作、縮時攝影及IPX7防水功能；配合《RE Play》App仲可把手機變成觀景器，玩法多變。廠方話此機仔預計今個月內推出，售價絕對係買畀細路都唔肉痛，叫人期待。

RE相機成支潛望鏡咁款，造型的骰又易拎。售價：待定	只要安裝《RE Play》程式，任何手機都可變成RE的觀景器。	試相區 可拍攝146度超廣角相片，不過行近影時四邊會變形，有點魚眼Feel。

數字人生：Paul Allen

2：擁有西雅圖海鷹（NFL）及波特蘭拓荒者（NBA）2支職業球隊。

55：2014年Forbes全球富豪榜，以

162億美元排第55位。

61：1953年於美國西雅圖出生，現年61歲。

414：擁有414呎超級遊艇Octopus八爪魚號。

1975：1975年4月4日與Bill Gates一同創立Microsoft。

撰文︰陳志滔　

攝影︰郭凱敏

查詢電話︰3077 5588