好多囡囡都同我講，唔怕男朋友花心蘿蔔，一腳踏兩船，最怕嘅就係男朋友疑心重，成日以為佢紅杏出牆，嚟自帝濠桑拿嘅寶兒就曾經遇上過咁嘅男友，佢話一次就夠，今日就搵嚟玄學家揭示邊三個生肖嘅男朋友疑心最重。
師傅話屬豬嘅男士，由於生性欠缺自信，覺得自己很多地方都不如人，身邊女友亦很容易就會畀人搶走，所以一開始交往就會疑心超重。寶兒話：「我之前嘅男朋友就係屬豬嘅，見佢為人忠厚老實，以為可以付託終身，點知佢真係太欠缺自信，所以成日疑神疑鬼，我去任何地方都要向佢報到，有時玩得夜咗，一過時就奪命追魂Call，有時仲會玩跟蹤，見到我同男性朋友玩埋一齊，仲會玩埋偷拍，之後攞嚟同我對質，比私家偵探仲厲害，咁嘅男友係咪好難頂呢？」
屬鼠同屬豬嘅男士一樣，都係欠缺自信，所以疑心超重，但由於心靈太脆弱，所以唔會玩跟蹤追查證據，但佢哋會玩小動作嚟暗中測試你，例如查你手機，翻你微信，失驚無神會畀個電話你測你嘅反應，真係煩都煩死。寶兒話：「我姊妹嘅男友就係屬鼠嘅，佢真係日日都翻查我姊妹手機，有時就打視像電話嚟，表面話見佢一面，實際留意姊妹身後嘅環境，睇吓同口供夾唔夾，後來仲安埋電話連線，姊妹一接電話，佢都聽埋一份，玩到咁變態，頂得順至奇呀！」
屬雞嘅男士疑心都很重，但佢哋並唔係因為欠自信，而係佢哋對任何事都實在太敏感，自我保護意識太強，用俗語「以小人之心，度君子之腹」嚟形容佢哋就最合適不過，慶幸佢哋只係心裏存疑，並不會做小動作，只會留意你的一言一行，但積埋積埋有日一爆出嚟，殺傷力同樣驚人。寶兒話：「我初戀男友就係屬雞嘅，佢真係一直監視我嘅一舉一動，直至分手一刻佢至爆晒出嚟，當時真係背脊一涼，原來有人留意咗你咁耐，所以下次搵男友一定唔會再揀佢哋！」
異性運：羊、雞
桃花運：虎、龍、馬
和合運：兔、牛、豬
年齡：21歲
三圍：34-23-34
撰文：小德
攝影：阿俊
玄學提供：寶源師傅