小記拆蟹資歷尚淺，食大閘蟹像「倒瀉籮蟹」般狼狽，更浪費了不少甘腴蟹膏，即時找來拆蟹專家名店經理Ken哥教路，新手拆蟹就唔會再失禮。
擦蟹要識拆蟹才是王道，步驟有先後之餘，不同部位用上不同小工具更有效將蟹膏蟹肉分拆開來品嘗，Ken哥指大閘蟹體形愈大愈容易拆，拆蟹時應先食味道較淡的蟹腳和蟹鉗，之後才打開仍保持溫熱的蟹蓋，品嘗濃郁的蟹膏，同時亦要避免吃到性質最寒的蟹胃。至於工具方面，基本的剪刀和蟹籤套裝在不少家品店都有售，配上用來蘸醋和挖蟹膏的小匙羹，跟着以下攻略就可以把大閘蟹吃得一乾二淨。
1.先剪走大閘蟹的蟹腳，並在每一隻蟹腳的關節上再剪一刀。
2.用剪刀沿邊位打直剪一刀，用蟹籤把蟹肉推出。
3.剪出蟹鉗，在關節位上剪一下，並用蟹籤推出蟹肉。
4.用手撕去蟹肚上的蓋掩，從下方打開大閘蟹的蟹蓋。
5.用手把鰓清除，並用蟹籤把蟹膏中呈星形的胃部挑走。
6.用匙羹倒入適量鎭江醋於蟹膏上即可享用。
撰文：余青蔚
攝影：胡振文