賽車手激讚！F1模擬器飆入工廈

首台1:1 F1模擬器

近年賽車運動在香港抬頭，模擬體驗店開完一間又一間，但受場地所限，這些模擬器雖然有芒有Seat，但感覺似遊戲機多於賽車，真實感不足。321 PLAY繼將滑雪、棒球等模擬運動引入香港後，早前更專程從匈牙利FORMULA FACTORY引進這台F1賽車模擬器，全車依照真實一級方程式打造，外形、軚盤及輪胎均以1:1呈現。唯一分別是前方設有3個27吋屏幕以營造出180度畫面，玩家坐於車廂內便能感受軚盤震動及入彎時的車身擺動，配合虛擬的引擎聲及排氣聲，逼真到爆！

操作如真車一樣

小記唔係賽車手，試玩後感覺難度不低，油門輕踩已立即加速，軚盤扭少許就轉向過度炒埋牆，說實在令人有點氣餒。香港賽車學校董事兼著名賽車手冼浩明卻有另一番見解︰「呢部機係為咗訓練賽車手而設計，油門、煞車、加速都Tune到好真實，每扭一下動作都同步輸入畫面內，而且畀到你變速及咬地感覺，可惜係呈現唔到離心力同橫向力，否則就似足100%了！」講到咁難玩，幸好場內有專業工作人員為初學者提供指導，玩家甚至可預約專業賽車手，透過模擬課程提升駕駛技巧。

軚盤大小、質感如同真車，高速下更有回震，感覺好真實！

好似揸緊真嘅賽車一樣！

預載車隊及賽道

模擬器另一賣點是預載了2013年度各F1車隊的資料，玩家既可選擇以法拉利或紅牛等車隊作賽，還能挑戰上海國際賽車場等多條賽道，又或與咸美頓、阿倫素等同場比賽；車手們毋須遠赴外國便能訓練，慳錢又慳時間，一舉兩得！收費方面，每15分鐘收費由$170起，玩足半個鐘都係$320起，比北上落Track抵玩好多。特別一提，場內還設有9台由英國模擬器製造商Vesaro打造的模擬賽車系統，內置了F1、F3、拉力及房車等賽事，玩家們可連線鬥車，一較高下！

預載2013年度各F1車隊資料，當中包括法拉利、紅牛等。	提供多個視點，車身還會呈現出損傷程度。	現場花絮 同場有9部英製模擬器，玩家們可連線對戰。

賽車體驗區資料

時間︰12:00nn~10:00pm（星期一至五）、10:00am~10:00pm（星期六）、10:00am~8:00pm（星期日及公眾假期）

車手冼浩明試玩後大讚模擬器逼真，對提升賽車技術有幫助。	321 PLAY接受團體包場，仲會訂製冠軍獎盃畀勝出者。	ABS、傳動系統等均可調校，嫌太難玩的話還可把難度降低。
可選擇扮演咸美頓或其他F1車手，但對落場表現沒有影響。	提供上海國際賽車場等多條真實賽道，車手們可反覆練習。	模擬器恍如F1賽車倒模，加上可左右擺動，令投入感大增。

地址︰觀塘鴻圖道79號嘉士亞洲工業大廈二樓

收費︰$170/15分鐘或$320/30分鐘（星期一至五12:00nn~5:00pm）、$220/15分鐘或$380/30分鐘（星期一至五5:00pm~10:00pm、星期六日及公眾假期全日)

網址︰www.321play.com.hk/racing

名越稔洋數字人生

1:《Daytona USA》是他第1部以導演身份來製作的遊戲，亦是史上最賣座的賽車遊戲之一。

6:由他製作的《人中之龍》遊戲，已發布6個本章系列，截至2013年賣出超過600萬隻。他曾於遊戲中客串演出。

49:1965年於日本出生，現年49歲。

1989:1989年進入遊戲製作公司世嘉（Sega），參與《Virtua Racing》、《VR快打》等設計。

撰文︰陳志滔　

攝影︰陳富權　

查詢電話︰2797 9323