渡海濠情：龍女溝仔 用盡方法

第一位：蛇女天生魅力

師傅話蛇本身就係危險嘅動物，但就特別多人喜歡，主要原因蛇天生就有股特殊嘅魅力，在女性身上更顯嫵媚，只要不經意拋個媚眼，你就會暈晒大浪，所以要同佢哋爭男朋友九成輸得！小蘋話：「我嘅初戀情人，同我拍咗三年拖，點知一出嚟做嘢，我男朋友就係畀個屬蛇嘅女主管搶走咗，分手時我問佢點解要揀佢，佢好老實咁話自己都唔知點解，好似着咗迷咁樣，總之就對我唔住啦！所以我自始就好怕將男朋友介紹畀屬蛇嘅女朋友認識！」

第二位：龍女 好與人爭

屬龍嘅囡囡愛面子又唔輸得，所以一畀佢哋睇中嘅男仔，佢哋就會咬住唔放，而且為求搶到手會用盡一切方法，而色誘就係佢哋其中一個最常用嘅手段，所以論風情，好多人都唔夠龍女嚟。小蘋話：「我有個姊妹嘅老公，就係畀個龍女搶走咗，佢為咗勾引人哋個老公，喺床上無所不用其極，搞到人哋老公神魂顛倒，對我姊妹冇晒性趣，最後大家冇晒癮焗住分手，而且個龍女除咗用色誘呢招，仲用咗好多其他手段，誓要搶到個男人為止。」

第三位：牛女行事低調

咪以為屬牛嘅囡囡冇乜殺傷力，原來唔聲唔聲最後會嚇你一驚，佢哋最常用嘅一招就係甘心情願做一個第三者，為咗取悅男方，平時女朋友唔做嘅，佢都會一一做晒，完全取得男人個心之後，就會開始排除異己，到你知道佢存在時，你已經無法力挽狂瀾，注定慘敗。小蘋話：「我雖然未接觸過呢啲對手，但我眼見牛女追男仔真係咁樣，一直唔聲唔聲，一出聲就話要結婚，有時仲會奉子成婚添，原來保持低調係佢哋嘅絕招，咁真係要認真學吓嘢啦！」

每周大吉生肖

異性運：龍、羊、猴

桃花運：狗、豬、鼠

和合運：牛、兔

小蘋Profile　

年齡：22歲　

三圍：35-24-35

撰文：小德　

攝影：阿昌　

玄學提供：寶源師傅