Enterbay 1:6洛文真身激讚！

有乜可以令廣華街擠得水洩不通？唔係炒新機，亦冇War Game新裝推出，而係有NBA籃板王之稱嘅洛文（Dennis Rodman），應Figure生產商Enterbay邀請首度訪港，喺旺角旗艦店舉行人偶簽名會。佢老哥一見到Figure即大讚似樣︰「尤其係髮型，同我真人一樣咁百變！」

售價︰$1,788

真人勁Nice

洛文，NBA七屆籃板王、七次最佳防守陣容，名譽多多，與波神米高佐敦及二哥柏賓組成鐵三角，令人聞風喪膽，並為公牛隊於1996年至1998年連續三屆摘下NBA總冠軍！如此一個大人物，何以跟Enterbay合作呢？他解釋︰「廠方好有誠意，事前已將詳細開發內容話我知，加上佢哋之前嘅作品神似度好高，若然要把自己製成Figure，我諗唔到有邊間比佢哋更適合！」如此賣口乖，洛文果然係Marketing高手，而廠方亦坦言，洛文由開發到來港都相當Nice，與球場上的強悍作風完全判若兩人。

重現昔日英姿

講番Figure，跟另一玩具廠推出的時裝版洛文不同，Enterbay今次出的是NBA版，收藏價值更高。波衫依據他効力公牛時期而製作，公牛標誌、NBA Finals徽章等全部有齊，並提供主場白色及作客紅色兩件波衫，配合護肘及打底褲，忠實呈現昔日籃板王英姿。跟NBA好多球星一樣，洛文也擁有自己的「Worm Wear」別注波鞋，這方面Figure跟到足，有齊白色Converse AS Rodman及黑色Air Shake Ndestrukt兩對波鞋，繡花、鞋帶、鞋底紋理皆一絲不苟，只因版權問題未能印上「一剔」Logo，否則神似度一定百分百！

關節超過30個，話咁易擺到搶籃板甫士！

奸笑Look的五官尚算神似，可惜表情生硬。

附送兩款頭雕

洛文以「變色龍」見稱，Figure亦送上兩款頭雕畀玩家，一個是Chok樣配火紅色Skin Head，另一個是奸笑Look配青黑色頭，大眼袋、豬膽鼻、厚唇、兜風耳等特徵俱全，難怪佢老哥見到實物都激讚神似！不過小記要求多啲，若Figure可如佢今次真身般戴上耳鼻口環的話，造型一定更過癮！素體則按照真人比例打造，約有13吋高，較一般1:6 Figure高大；而雙臂、肚臍及背部都印滿紋身，只嫌比例好像縮細了點，同時關節過緊難以扭動，擺甫士都要用啲力！

紅髮Chok樣極似真身，佢老哥就最Buy呢個Look。

手臂印有紋身，但美中不足係比例太細兼唔明顯。

Spalding磁石波是NBA系列必備配件之一，洛文又豈會例外？

洛文專訪

問︰若要揀一個球員作為你Action Figure嘅單挑對手，你會揀邊個？

另備白色主場球衣，多花$380購買專用素體就能玩多一個造型。	附送兩對別注波鞋，撇除廠商標誌，其餘細節跟到足。	人偶簽名會吸引了大批粉絲捧場，當中不乏方力申（右）等球迷。
洛文曾奪5次NBA總冠軍，附送Larry O'Brien獎盃是常識吧！