Sunset Overdrive 爽快射擊動如Parkour

Microsoft剛公布會隨Xbox One行貨主機同步於9月23日推出新Games，除了足球大作《FIFA 15》外，還有體感遊戲《Kinect Sports Rivals》、《Dance Central Spotlight》等總計有成22款。仲嫌未夠？廠方日前喺香港舉行《Sunset Overdrive》試玩會，遊戲集動作與射擊、爽快與瘋狂於一身，將於10月28日推出，記得儲定彈藥呀！

速度感強動作誇張

《Sunset Overdrive》未推出前，於各大Game網已有相當高評價，更獲選為E3 2014最佳Xbox One遊戲。其背景設定喺2027年一個名為Sunset City的城市，市民飲了能量飲品化身變種人，玩家要於開放式地圖上跟人同怪物對戰。遊戲速度感強，而且動作成分極多，主角可用上類似Parkour方式在地圖穿梭，甚至可以二段跳去屋頂或架空路軌滑行，並可做出各種華麗動作及儲氣使出絕招，玩法十方爽快。

武器設計異想天開

新作提供的槍械選擇也不少，更有趣是設有多種異想天開的武器，好似能射出黑膠唱片的發射器、綁了炸彈的泰迪熊等。小記試玩時敵人數量雖然多，但就算被幾十個變種人圍住都唔難應付；至於對付Boss時就要運用地形優勢，如可用鐵絲網困住佢，然後用勁槍攻擊解決。遊戲更會推出含額外下載內容如「百發百中槍」等的首日版，機迷識做啦！