香港地玩遙控賽車就算銀彈充足添置最強裝備，無奈場地所限好難發揮，令好多發燒友未能盡興，呢個死症係冇得救，惟有向天際無邊虛擬世界入手。《RE-VOLT 2》支援10種語言，擺明無國界齊齊玩，最多可以4人連線，比賽過程要取得武器向對手攻擊，因此放頭未必有利。
電影《烈火戰車》有句對白：「你可以快過風，但快唔過時間。」有冇Feel就要睇你的能耐。《Bike Multiplayer 3D》是一個簡單的電單車遊戲，玩家最初要駕駛時速只得100km、快唔過風的綿羊仔在馬路飛馳，愈玩得遠愈多XP，儲足XP便可以買新車。新車共有5部，一部比一部快，想快過時間就要買時速達到450km的戰車。遊戲考驗技術，慎防碰撞失去多取XP的機會，玩家要收集電單車形Power-ups加速去增加XP，還有路面的一疊疊鈔票，鈔票雖然不能買新車，但可以租，尤其是連線鬥車時，不夠XP買車的玩家，正好租車與對手周旋，遊戲最多支援4人連線。
平台：iOS、Android
售價：免費
遊戲開始只會提供無速度、難控制、唔穩定的遙控車一部，玩家要不斷去比賽，贏取虛擬金幣及鑽石等替部車「基本」強化升級及買新車，急不及待的玩家可以真金白銀去買「額外」裝備。玩家要贏並不是純粹控制部車咁簡單，還要在途中取得「閃電」，便會取得隨機給予的武器，例如飛彈、水彈、鐵球、渦輪加速或電流脈衝等，必須好好運用。筆者玩過覺得起步落後未必輸蝕，因為武器會是反敗為勝轉捩點。如果想穩陣，可以在「物品升級」用虛擬金幣買指定武器。此外，遊戲共有264個關卡，此外更支援10種語言，與世界各地玩家連線比賽會更刺激。
平台：iOS、Android
售價：免費
撰文：朱志華