$1,500國產平機 4G Battle

香港嘅4G網絡漸漸成為主流，勝在月費唔貴、速度穩定，但機Gor身邊嘅朋友經常呻入門機款少得可憐！幸好早前內地4G開通，好多平機陸續支援4G，今次機Gor搵嚟國產大廠ZTE嘅Blade Vec 4G，以及網絡大台中移動嘅and! M811，咁橋兩機都係$1,500左右，即刻嚟一場4G Battle！
售價：$1,499（a）
售價：$1,499（a）

Blade Vec 4G簡約介面

早前ZTE喺香港發布Blade Vec 4G，有網站稱佢為旗艦機「星星一號」嘅平價版，皆因兩者嘅設計、尺寸近乎一樣，不過走入門路線嘅Blade Vec 4G規格稍稍調低，只用Snapdragon 400處理器配1GB RAM。最大賣點係價錢平咗之外，仲係首部採用Google Now Launcher嘅非Nexus手機，介面同原生Android一樣咁簡約。

需要用卡針先開到SIM卡槽，稍為不便。
  • 需要用卡針先開到SIM卡槽，稍為不便。
機背加入碳纖花紋，設計有心思。
  • 機背加入碳纖花紋，設計有心思。

Blade Vec 4G規格表

制式：GSM、WCDMA、LTE
處理器：Qualcomm Snapdragon 400四核心

售價：$1,498（b）
  • 售價：$1,498（b）
800萬像素鏡頭影相都唔錯，不過對焦稍慢。
  • 800萬像素鏡頭影相都唔錯，不過對焦稍慢。
內置2,500mAh電池，行4G撐唔到一天。
  • 內置2,500mAh電池，行4G撐唔到一天。

記憶體：1GB RAM、16GB內存

於北京前門大街附近測試，因Blade Vec 4G只支援FDD-LTE，冇得玩4G。
  • 於北京前門大街附近測試，因Blade Vec 4G只支援FDD-LTE，冇得玩4G。
Win<br>M811夾埋中移動香港SIM卡，身處北京都可直接4G上網，下載速度有近14Mbps。
  • Win
    M811夾埋中移動香港SIM卡，身處北京都可直接4G上網，下載速度有近14Mbps。

屏幕：5吋（1,280×720解像度）

鏡頭：（前置）100萬像素、（後置）800萬像素

作業系統：Android 4.4

體積：142.3×70.4×7.8mm

重量：130g

and! M811人氣抵港

以前好多大台都鍾意賣獨家手機，中移動最近將呢個玩法翻兜。and! M811係中移動搵人代工生產嘅手機，既為獨家出品，機身理所當然印有網絡商個名。新機早前喺內地開賣獲得不錯反應，嚟到香港為咗力谷新機，中移動香港早前搞咗個「$1買機」上台優惠，搞到唔少人爭住搶，若各位唔想上台的話，淨機價都係$1,498。

and! M811規格表

制式：GSM、WCDMA、TD-SCDMA、FDD-LTE、TD-LTE

處理器：Qualcomm Snapdragon 400四核心

記憶體：1GB RAM、4GB內存、支援microSD

屏幕：5吋（1,280×720解像度）

鏡頭：（前置）120萬像素、（後置）800萬像素

作業系統：Android 4.3

體積：142×70.6×8.95mm

重量：133g

第1回合：鬥4G兼容

兩機都支援FDD-LTE制式，香港4G網絡當然用得到，機Gor喺旺區測試時，戶外下載速度平均達20Mbps以上，喺香港試梗係冇問題啦，拎返內地又點呢？機Gor特登帶兩機上

北京，發覺Blade Vec 4G由於只兼容FDD-LTE制式，除非換上不日推出嘅聯通4G SIM卡，否則難以發揮其威力。反觀M811就方便得多，皆因佢兼容TD-SCDMA、TD-LTE網絡，即係內地中移動嘅3G、4G制式都食到晒，而且網絡商提供內地數據漫遊服務，唔換SIM卡都可收到內地4G，任上日費都係$38，抵！

第2回合：鬥內存擴充

單睇硬件規格，Blade Vec 4G及M811均採用Snapdragon 400入門四核心處理器，配合1GB RAM之下，正常玩Apps睇片都算流暢。擴充性方面，Blade Vec 4G以一體成形設計，冇得換電兼拆卡，內置16GB容量扣埋系統空間等，淨番9GB可以用。而M811則只有4GB內存，扣埋系統空間只有2GB多啲，不過勝在支援microSD擴充容量。雖然就咁睇好似M811吸引啲，但需留意不少Apps要裝喺內置ROM，只有小量Apps支援「移至SD卡」，有辣有唔辣，所以今個回合握手言和。

第3回合：鬥原生介面

硬件夠用，都要軟件配合到先得。以往ZTE手機會植入自家Mifavor介面，Blade Vec 4G當然同樣擁有，最特別係出廠時預載埋Google Now Launcher。呢個介面同原生Android有九成相似，最正係引入Nexus手機專用嘅語音控制功能，講「OK Google」即可開啟語音指令，搵資料、撥號、設定鬧鐘等開句聲就得！而M811亦有自家介面，狀態欄、圖示等經過重新設計，用法則同一般Android手機無異，新鮮感都唔差。

M811中港兩邊走具優勢

論規格講功能，其實兩機嘅硬件和手感都差唔多。機Gor認為想平平哋體驗語音控制嘅話，Blade Vec 4G預載Google Now Launcher有一定優勢。若好似機Gor咁經常北上公幹或外遊嘅話，M811可說是不二之選，皆因市面支援5模10頻嘅平價機款唔多，佢喺中港3G和4G網絡都兼容得到，SIM卡唔使換嚟換去，使用時更加方便。

達人教路：香港資訊科技商會榮譽會長方保僑（Francis）：「內地上網要留神。」

「喺內地想用手機流動上網，不外乎買張當地SIM卡或者啟動數據漫遊，買SIM卡嘅過程雖然麻煩少少，但勝在費用平啲。而使用數據漫遊服務就可連接facebook等內地睇唔到嘅網頁，對於香港用家嚟講一定方便啲啦！另外，部分國產手機嘅屏幕質素參差，用家買之前最好現場測試或試睇一下相片。」

Profile：機Gor

機不離身，不信Spec只信測試，不扮高深，懶理低俗，貪新不忘舊。

撰文：機Gor

查詢電話：（a）3759 0622、（b）2945 8888