網絡線眼 全天候（目及）實BB

Amaryllo iCam HD 360揈機調角度

備有5種顏色選擇嘅iCam HD 360，外形四四方方似足扭計骰，可記錄720p短片，鏡頭更支援100度視角及夜視功能，熄晒燈都一樣睇到BB。想透過手機作家居監控，用家先要下載《iCam HD 360》，並以Skype帳號經家居Wi-Fi把手機與鏡頭連接，這樣便可利用Skype實時監控畫面。最特別是機身支援動作控制功能，左右揈部手機便可令網絡鏡頭左右旋轉多達270度，前後揈則能夠把鏡頭向上下擺動最多100度。此外，只要BB於畫面中郁動或嚎哭，鏡頭會自動拍攝並傳送相片提示用家，畀你第一時間了解情況，配合免費15GB的Google Drive雲端空間儲存影片，咁就萬無一失啦！

安裝Tips：先利用家居Wi-Fi將iCam HD 360與手機配對，當中需經過網絡鏡頭掃描手機QR Code，建議兩者要保持10~30cm距離，只要與鏡頭成水平狀態便可以掃描得到。

售價：$1,588（a）

鏡頭能夠上下調校角度，擺動幅度最多可達100度。

Compro TN900RW 測量溫度

來自台灣的Compro TN900RW雖然定價二千多元，比對手貴咗一截，但功能夠晒Gimmick，例如於鏡頭植入溫度計，讓用家可透過《C4Home》手機App設定溫度範圍，當超出指定溫度便會Send訊息提示用家，咁就唔怕BB冷親。它同時支援720p高清畫質，可利用App控制鏡頭轉動，能水平旋轉340度及垂直移動100度，還加入11枚紅外線燈，就算全黑環境一樣睇得到，加上能以手機同時睇到4個分割畫面，於睡房、客廳、廚房等安裝4部Cam，咁就全屋環境都可（目及）到實。最過癮係佢內置紅外線遙控及發射器，可經手機遙控家中電器，如冷氣機、電視等，各位就算身在客廳，都可控制到BB房部冷氣機。

放大圖片	手機揈前揈後可調校鏡頭角度，左右擺動的話則會令鏡頭左右旋轉。	背面設有喇叭和收音咪插口，可擴充裝置來強化對話功能。

安裝Tips：只需3個步驟即可安裝TN900RW，前後5分鐘都唔使，先透過機身LAN插口接駁家中Router，然後經手機《C4Home》App掃描TN900RW機底QR Code即可配對，同時支援Wi-Fi功能。

鏡頭的可動幅度相當大，能上下擺動120度和左右轉動340度。 售價：$1,488（c）	背面可加裝天線，大幅強化接收Wi-Fi訊號能力。	機身支援語音對話功能，而底部更設有喇叭。

Apex Sentra G10雲端加密

同樣擁有720p畫質的Apex Sentra G10，鏡頭配備IR-Cut Filter和紅外線夜視功能，能利用手機App《gTeleCam》作實時監控，用家只要篤住電話個芒，便可控制鏡頭上下120度擺動及左右340度轉動，基本監控BB房絕無死角。另一特別之處是支援Cloud Storage雲端儲存，可將影像與雲端即時串流及上載，換言之就算唔插microSD卡都能錄影片段，以便隨時下載及翻睇。雲端伺服器更支援SSL加密，唔怕被人惡意入侵，惟雲端服務只有首年免費，第二年開始便要繳付$456年費，如果唔用的話就冇咗儲存短片服務啦！此外，機身備有收音咪及喇叭，方便以App監聽現場聲音，甚至進行對話。

安裝Tips：先利用《gTeleCam》App掃描Sentra G10包裝盒的QR Code，然後連接家中無線網絡，再重新登入App即可使用，安裝相當簡單。

測試區

用家可透過手機Skype帳號實時監控，夜視功能的畫面雖然較暗，但勝在全黑環境都照樣睇到。

達人教路

IT達人Francis表示：「揀呢類家居網絡鏡頭建議選擇有Wi-Fi無線設計，擺位先唔會受到限制，而且最好有夜視功能，由於紅外線唔會放出可見光，所以唔會影響小朋友瞓覺。另外，安裝時要注意家居網絡，因為唔少人反映試過斷線或窒格，不妨選用接收力較強的Router以增強穩定性。為了保安理由，用家應定期更換Wi-Fi密碼，避免遭其他人入侵睇晒屋企情況。」

撰文：黎子豪

攝影：蔡浩文

查詢電話：（a）2713 8948、（b）2541 2982、（c）3619 6500