錶機選購攻略 Pebble Steel智能連動

Pebble Steel 商務「智」啱

智能手錶款式甚多，但用料多為塑膠，感覺有點玩具Feel。Kickstarter集資王Pebble自推出以來全球賣出超過50萬隻，經驗夠晒豐富，日前更推出新一代Pebble Steel，不但錶殼改以不銹鋼打造，錶帶亦由橡膠改為真皮，加上備有啞光黑及不銹鋼銀兩色選擇，時尚穩重，啱晒商務人士！

慳電耐用

一如上代，Pebble Steel採用1.26吋e-Paper黑白屏幕，雖然解像度得144×168，但勝在慳電，充滿電可用到5~7天，就算剩番10%電量都捱到一天，唔使時時刻刻掛住充電。新錶另一好處係耐用，表面以Corning Gorilla Glass物料打造，並經過PVD真空鍍膜技術處理，具防刮花、抗面油、防指紋3大特點，還支援5 ATM防水，上山下海都難唔倒佢！

接駁Philips Hue系統，便能控制燈泡開關。

可變身為GoPro HERO3攝錄機的專用遙控器，一按即可進行錄影。

擴展性強

功能方面，除了時間、鬧鐘等基本功能外，最大賣點係支援任何iOS或Android裝置，當手機收到來電、SMS、電郵或WhatsApp時，都可於錶面顯示內容。另一聰明位係擴展性，可上網下載過萬款Watch Face，仲可「單撈」不同Pebble Apps，部分更能與其他品牌連動，小記試過用來控制GoPro攝錄機拍攝、播放Sonos音響，甚至遙距開關Philips燈光系統，玩法多變。

首500位顧客可獲贈禮品包，附有防水矽膠錶帶、更換工具及便攜袋。

不僅支援篤芒，還可利用側邊的選擇掣及音量掣操控。

LG G Watch阿媽識用

作為Google旗下Android Wear系統頭炮，G Watch配備1.65吋IPS Always-On屏幕及Qualcomm Snapdragon 400 1.2GHz處理器，簡單來說係一台微型電腦。然而唔好睇佢咁高科技，實情操作相當簡易，支援篤芒及語音指令，只要對住手錶講出內容，它就識上網搜尋相關資料，甚至可用來記事、撥電、翻譯、寫短訊、問天氣或查地圖，最正係連廣東話都認到，老媽子都識用！

售價︰$1,898（b）	開句聲便可上網查資料，連廣東話都認到！	採用矽膠錶帶，並可用任何22mm錶帶替換。

Samsung Gear 2拍友最愛

Gear 2的1.63吋sAMOLED屏幕幾乎是同級中最靚，亮度亦足，陽光底下睇得舒服。錶身同時內置200萬像素自動對焦鏡頭，輕拍錶面即能拍攝，啱晒拍友玩Snapshot。其他功能亦以人為本，例如可接駁藍芽耳機聽歌，遙控電視、機頂盒等電子產品，遇到來電時更可透過收音咪直接傾偈。此錶唯一可惜之處係只兼容Samsung指定手機。

放大圖片	放大圖片	售價︰$2,498（c）
除了影相，仲可拍攝15秒短片！	配備200萬像素鏡頭，智能錶中少見。

miCoach SMART RUN 訓練高手

單睇adidas出品，便知為運動而設計，SMART RUN內置1.45吋彩色TFT LCD，並具備心跳感應器，能結合GPS技術量度步速、距離、路線及心跳，對監察訓練量十分有用。作為陪跑恩物，它兼備miCoach教練功能，NBA球星如Derrick Rose會真人發聲幫你打氣，運動自然更加醒神！惟留意此錶重達80.5g，戴上後都幾墜手！

專家選購貼士

Gadgets達人方保僑表示：「揀智能手錶，首要留意兼容性，若配合唔到手機便得物無所用。另要留意能否顯示中文，若只能Show到英文，中文短訊或WhatsApp變晒亂碼，就失去其意義。若問我最期待有乜新功能，我會揀NFC，試諗吓將來智能手錶可做埋八通達，甚至一嘟連接Gadgets，你話幾方便呢！」

同場加映：Gear Live期待之作

Samsung早前發布了旗下首隻Android Wear手錶Gear Live，沿用同系列金屬錶身及橡膠錶帶，另有1.63吋Super AMOLED屏幕，加上心跳感應器及語音辨識，功能全面。奈何此錶暫時不會在港推出，擁躉們得個恨字。

撰文︰陳志滔

攝影︰郭凱敏

查詢電話︰（a）2395 3913、（b）3543 7777、（c）3698 4698、（d）2730 0157