大家對《風雲》漫畫應該好熟，唔知又有冇興趣玩《風雲》首款網頁遊戲呢？其實呢隻Game早前喺大陸推出時，5月份已收近8,000萬人民幣，破盡同類遊戲公測紀錄，近日它終於殺入香港，可讓大家重溫原著劇情任務唔在講，仲能自組幫派爭地盤搶佔無雙城。最重要係透過瀏覽器連上官網即可玩到，既方便又快捷！
遊戲咁收得，《風雲》角色鮮明、故事情節吸引固然是主因，玩家可扮演聶風、步驚雲、楚楚、第二夢之外，亦收錄原著漫畫的經典劇情，完成任務後仲有機會得到裝備、真氣、銀両同經驗獎勵。若完成到重要任務如「衝冠為紅顏」、「落難手足情」、「緣定麒麟臂」同「絕世現英踪」的話，仲可得到天劫獸靈、天罪隕石或蒼龍舍利等極品道具。
遊戲玩法跟時下MMORPG相似，可用上神兵武器、騎乘坐騎，甚至能建立幫派組隊行事，爭奪遊戲中的十多個據點，包括人所熟悉的無雙城。此外，神兵系統亦是遊戲核心玩法，《風雲》收錄了原著中7把神兵如絕世好劍、雪飲狂刀等，每把都有唔同特效，巧妙運用的話便能克敵制勝。遊戲還會出現多隻霸氣十足的神獸坐騎，既可提升移動速度，亦能增加各項能力，如可收服居於樂山大佛的火麒麟，閒人都幾難埋到身。
撰文：布偉倫
網址：fy.gameone.com