過去一星期，稍有留意時事，心情都好像坐過山車，台北捷運斬人、新疆暴力襲擊、加州開槍濫射，好像在告訴我們，只要時運低，隨便出街逛逛，也會招致殺身之禍。
惟恐天下不亂的，尚有在WhatsApp和facebook瘋傳的訊息，最熱門一則莫過於有一群維吾爾族人來香港搞事（有註明「即係斬人」），襲擊地點可能於荃灣及旺角， 呼籲盡量少去該兩處地點……瘋傳之間還變出不同版本，包括「有返機場同事話特警明顯多咗同着咗避彈衣」、「係我喺入境處工作嘅朋友阿X貼出來」、「呢次我親身聽到，機密情報，大家小心小心」。而訊息的結尾，都是又要威又要戴頭盔、又想公告天下又不想負責任的說話，計有「Forward Only，信唔信都好」、「好恐怖，唔知真定假」……甫證實以上是流料一單，又有網民聲稱有人在深圳東門大開殺戒。
大眾的心態是：真假都好，先請廣傳，然後再算，但在過程中散播恐慌、製造矛盾、破壞信任、挑起仇情，基本上是恐怖分子的所作所為 ─ 是的，現在當恐怖分子很便宜，不必核彈槍炮，發放幾個似是而非的流言，利用無知民眾「Forward Only，信唔信都好」的弱點，就足以令整個社會陷入混亂。
各位，要做一個文明人，除了不可隨街屙屎，還要切戒散播恐懼，還有那些不可靠的貨櫃碼頭颱風消息、9小時內要發給9個好友，否則貧窮一生的白龍王訊息……
網址：www.chan-wai.com