Spider-Man 親民街坊Look

動作似足真人

所謂「能力愈大，責任愈大」，不但蜘蛛俠如此，貴為業界龍頭嘅Hot Toys，縱使之前出過3款蜘蛛俠Figures，今次再出也沒有馬虎了事，當佢係全新作品來開發。對上一隻蜘蛛俠Figure，廠商已刻意改良手臂及肩膀關節設計，如今製作團隊再提升素體頸部及腰間可動性，配合全身超過30個關節，無論舉臂、拗腰或屈膝等動作都似足真人，貫徹蜘蛛俠飛天遁地而又真實嘅形象。

戰衣直逼戲服

玩得蜘蛛俠，除咗關心佢嘅可動性，其緊身戰衣貼身與否，也是玩家考慮因素之一。為此，廠方採用比過往更輕薄的彈性物料打造戰衣，並透過滴膠及絲印技術，製作出紅色部分及蜘蛛圖案。試辦所見已有很高完成度，布料彈性亦相當高，廠方表示大貨時布料會再偷薄啲，並於表面加入仿金屬物料，令網紋於燈光下呈現出反光效果，仿真度直逼電影戲服。

附送背心、頸巾、冷帽及背囊，有多一個「街坊Look」玩。	雙眼加大，並保持高透光度，清晰顯現底層複眼紋理。	背囊設計一絲不苟，連袋上的扣都製作得相當精細。

附送街坊裝束

新作沒有附送演員Andrew Garfield的真人頭雕，以價錢而論未免惹來粉絲不滿。幸好其面罩Look造得似模似樣，不但跟番原設計將複眼由細變大，主色亦由綠變銀，加上表面保持極高透光度，讓複眼紋理一清二楚，如此精細總算加番唔少分。配件除了6款可換手外，最驚喜係送埋電影製作特輯曾出現的「街坊Look」，有齊背心、頸巾、冷帽及背囊，加埋大聲公，將蜘蛛俠親民一面表露無遺。

送埋同比例大聲公，方便蜘蛛俠指揮紐約交通！	另跟4條蜘蛛絲，可藏於腕關節內扮發射。	附送6款可換手，關節位破天荒移到掌心位置，手腕Ball Joint不會穿崩。

＊圖為試辦款式，與正式推出的版本或有若干分別。

撰文︰陳志滔　

攝影︰蔡浩文　

查詢電話︰3722 3988