始源勇者王 終極獅壓

「Ga！Ga！Ga！……GaoGaiGar！」鍾意機械人嘅動畫迷，想必哼過這首《勇者王GGG》主題曲。當年呢套動畫爆紅，全因每集熱血嘅戰鬥情節，啱晒80、90後口味，連帶OVA續篇《勇者王GGG Final》於2001年誕生。造型亦正亦邪嘅主角始源勇者王，近日降臨香港化身SR合金，粉絲仲唔行動？
售價：9,500日圓
售價：9,500日圓

怒髮衝冠 獅子獠牙

勇者王玩具之所以有咁多捧場客，全因造型威風凜凜，當中「Final Fusion」合體後，心口獅子嘅咆哮設定，可謂向80年代卡通《金毛獅王》致敬。至於今次始源勇者王仲誇張，頭頂加入3組可動火燄頭髮，營造出招時怒髮衝冠效果。而長了獠牙嘅獅子加入開合口機關，兩側鬈毛又可上下展開，配合膊頭的聳肩設計，舉手擺出招甫士絕冇難度。

特效手臂 風起雲動

相比起上一款SR合金勇者王，新作無論武裝配備及招式種類都較為豐富。首先，針對空戰使用嘅背翼，內藏連動機關能展現「破壞惡魔」的紅眼，雙膝也具備Spiral Drill及Straight Drill兩種鑽頭。用家還可透過換件，左手擺出Protect Shield姿勢，右拳可獨立拆除作Broken Magnum射擊。再者，由尾部變成的Bolting Driver，既可換上不同形狀Genesic Bolt，又可嵌上刀刃變成Will Knife。首批產品還附送絕招風起雲動拳的特效前臂，左手金黃、右手漸變紫，兩爪放喺胸前十足卡通咁有氣勢。

初回附送特效配色前臂，模仿卡通橋段的雙手色彩變化。
  • 初回附送特效配色前臂，模仿卡通橋段的雙手色彩變化。
貌似螺絲批嘅Bolting Driver，可換上3種不同形狀配件。
  • 貌似螺絲批嘅Bolting Driver，可換上3種不同形狀配件。
爪形腳掌獨立可動，增加站立時嘅接地性。
  • 爪形腳掌獨立可動，增加站立時嘅接地性。

勇者王重生知多啲

《勇者王GGG》劇情完結後兩年，勇者王獲得新力量變成GaoFighGar，而地球防衞勇者隊奉命對犯罪組織Bio Net進行調查，捲入重建三重連太陽系嘅「索路11遊星主」陰謀事件。遊星主為統治宇宙而擊倒GaoFighGar，此時天海護及時出現，解放G Stone水晶力量，變出5架星獸機體，勇者王藉此重生，進化成Genesic GaoGaiGar始源勇者王。

頭頂3組可動火燄頭髮，輕易營造怒髮衝冠效果。
  • 頭頂3組可動火燄頭髮，輕易營造怒髮衝冠效果。
左手套上出招特效，即可重現Protect Shield防禦姿勢。
  • 左手套上出招特效，即可重現Protect Shield防禦姿勢。
膊頭有額外關節，可扭向上擺出聳肩甫士。
  • 膊頭有額外關節，可扭向上擺出聳肩甫士。

撰文：廖俊斌

攝影：張群生

查詢電話：2433 1828