被人擺上枱未必係好事，但擺上枱又攞埋獎就認真巴閉，所講係在歐洲多國榮獲Best of 2013獎項的App《Table Top Racing》。攞得獎當然唔係神仙放屁咁簡單，玩家要駕駛玩具車在「枱道」飛馳，於靚到爆的立體圖案畫面，左閃右避、搶武器鬥快又鬥攻。
遊戲的車型雖然Cute，但玩落相當刺激，玩家要逐條賽道取得星章才可以挑戰下一關，並且要贏取金幣、升級車輛及解鎖新車等。也許遊戲操控簡單，容易上手，不過要在競賽中靈活使用武器如導彈、炸彈、閃電阻人及加速等，才能有機會取勝，過程有很大挑戰性。另一吸引之處是8條場景賽道，包括壽司店枱、西餐廳枱及工具室枱等，畫面既立體又豐富，而且非常流暢，但要贏盡4項緊張刺激的錦標賽，其實都幾考技術。
售價：免費
平台：Android、iOS
汽車生產商雖然不斷研發環保車型，但最好當然是駕駛者加以配合，這個遊戲主要是灌輸環保意識，做個Green Driver。遊戲要以最省油控制速度，同時要遵守交通規定和避免交通擠塞。如果開得太慢，唔止浪費燃油，還會排出很多廢氣造成污染；開得快的確有助省油，但衝紅燈或被影快相會被扣分，扣滿12分會被「釘牌」Game Over，如果撞車或未能及時入油，就唔該玩過下鋪。遊戲要訣是看清左邊縮圖預測前面路況，調整速度拿取高分，跟全球玩家比併。
售價：免費
平台：Android
撰文：朱志華