型男X年過半百，大半生閱女無數，經常偷聽女人心，因而對女性也愈來愈失望，幾近達至心如止水的地步，他說：「好多女人，後生又好，中女又好，冇學歷又好，讀過書又好，都係一個港女。」
但他就是天生的「港女磁石」，很多外表淑女、內裏港女的剩女不斷走埋身，有時基於異性相吸，有時因為X友善待人，而認定是可靠的盡訴心中情對象。近日他遇上一位斯文大方儀表不錯的剩女，結果呢，X說：「比港女更港女。」
此剩女所犯何罪？X解釋：「佢有晚一邊同我飲酒，一邊話呀邊個男人真係一等一好人，我問佢有乜咁好人？佢話呢排啱啱考咗車牌，個男人就借咗架靚車畀佢揸，仲抽咗幾日時間坐喺隔籬位陪佢，就算差啲撞倒路人，個男人都冇鬧佢，總之係咁話個男人真係一等一好人……對佢好，自己有着數落袋，就當人係好人，呢啲就係港女嘅邏輯。男人對佢好只係想同佢上床，根本同好唔好無關。好人係關乎品格，有冇做有意義嘅事。」X的話，我不能再同意更多了。
但這豈止是港女邏輯，也是很多人的想法 —— 他/她是一個大好人，因為對我好、有禮貌、平日請食飯、記得我生日、間中送小禮物……甘心被小甜頭收買，日後就會輸得更大。
我問：「你對呢個剩女失晒興趣？」X答：「連做朋友都費事。」說他是型男，因為做人有原則。
網址：www.chan-wai.com