Cargo Pants 大「褲」大貴

加上近年Sportswear前所未有咁受歡迎，偏闊剪裁加上兩側袋設計，用嚟襯Retro Sneakers就最適合。依家同朕去Check一Check，你今季入咗Cargo Pants未？

潮流軍服

出身自軍服的Cargo Pants，最早於1938年已首次出現在英國軍隊制服當中，其後到二戰時期就流傳至美國並發揚光大，當中「Cargo」一字就是指褲上口袋的載物容量猶如貨車般，而在不同國家及部隊所使用的Cargo Pants設計，都會因應不同需要而略有不同，但以潮流界角度去審視的話，基本上褲管大腿兩側有褲袋細節的都算得上是Cargo Pants。此外，由潮流品牌所推出的Cargo Pants都有一個共通點，就是剪裁都偏向修身，始終太「闊Cut」真係好蝦人着，今回就同你解構一條好睇又好使的Cargo Pants需要具備咩條件！

WTAPS綠色軍褲 $2,999（c）

fingercroxx黑色軍褲 $799（b）

第1誡：有冇得紮

正宗的Cargo Pants設計在側袋位置會有兩條布繩，據說是用以將側袋與大腿拉近，以防側袋內物品隨軍人步伐發出聲響；另外一個說法是一旦軍人腿部中槍，拆下布繩即可緊紮大腿止血，但明顯前者可信性較高。今時今日，呢兩條繩實際用途近乎零，甚至還有點令人有啲不知所措唔知點處理好，「有」只代表品牌識得玩「正宗」。

Cotton On啡色軍褲 $299（a）	現代紮腳	有名有姓

第2誡：勒緊褲頭

軍服所有設計都是追求實用不會花巧，但這些細節往往就是今日的「加分位」，就好似Cargo Pants在腰間位置除了皮帶圈外，兩側通常都會有鈕扣或索帶細節，原意是方便一個尺碼可以適合不同腰圍軍人着用。咁當然，今時今日其實都只係「Detail位」一個，因為斷估你的腰圍唔會於短時間內上落4吋以上！

第3誡：貨櫃容量

話明叫做Cargo Pants，載物容量一定要夠高，如果為了配合修身剪裁而刻意將所有褲袋造細一點降低實用性的話，咁就未免有點本末倒置。要入手的話就一定要揀褲袋要大，最好就係鈕扣有「袋掩」的設計，一來可以防入水，二來唔怕冬天褲袋拉鏈「鎅手」。

第4誡：手凍恩物

擁有一件軍褸嘅都知道基本上所有拉鏈扣都會連上一條布繩，作用是讓軍人於冰天雪地的惡劣環境下，毋須除下手套都可操作拉鏈開合，如果你自問都係「手腳冰冷」一族，買褲時就要睇真Cargo Pants下襠部分是採用拉鏈還是鈕扣。

第5誡：現代紮腳

除了最Signature的側袋設計外，褲腳的束繩細節亦是Cargo Pants的經典細節，畢竟剪裁偏闊關係，如果褲腳「直落」的話我諗你有冇着鞋都冇人知，所以着Cargo Pants「紮腳」是常識吧！近年坊間更有Cuffed（橡筋褲腳）的改良版設計，免去自「紮」自受的麻煩，懶人必備。

第6誡：有名有姓

但凡是軍服單品都必定會有位置以便寫上軍人名字，用途就Touch Wood唔多講（唔知的話請問Google），但閣下又唔係真正軍人，呢啲Detail你都唔希望用得着，所以呢啲位通常各大潮牌都會直接將品牌寶號變成類似「XXXX ARMY」字樣印於呢條麻質布章之上，唔係點「證明」畀你朋友睇條褲查實係潮牌出品！

第7誡：大襠大切

Cargo Pants大多數在後幅下襠部分都會採用類似立體剪裁的設計，即係會於俗稱「褲襠」位置加多一幅布縫合，設計是為提高軍人雙腿活動空間，今日看來這設計亦非常舒適，但並不是每個潮牌出品都會採用，有的話絕對要「加分」。

數字人生：Tory Burch

2 從1993年至今，經歷過2段婚姻。

3 Tory擁有3個兒子和3個繼女。

5 Tory Burch品牌產品共有5個範疇，包括服裝、鞋履、手袋、首飾及美容。

15 旗下首個美容系列已於今個月15日登陸香港。

10 2014年是Tory Burch品牌10周年紀念。

100 第100間分店去年於上海開幕。

1000 全球銷售點超過1,000個。

撰文：賴文曦　

部分攝影：陳世昌

查詢電話：（a）2724 0070、（b）2148 0170、（c）2162 8009、（d）2890 3560