旅人時光：畫中真理
唔講你唔信，講咗你都唔會信，在加拿大唸中學的時候，我曾經學習了一年繪畫油畫。放低了近20年時間，一直自以為還有油畫的藝術天分，至少「有個底嘛！」我心裏真的是這樣想的。
年前，朋友開了一家畫室，當時為了以實際行動支持他，一開張我便抱住「自己曾是藝術家」的心態走去幫襯吓，兼且再度展現自己的豐富藝術細胞。有準備是好的，所以想了一整晚畫乜好：不如就畫我最喜歡的大自然景色—青草+藍天！藝術家不能抄襲相片的，所以竟然斗膽憑空想像。
到了畫室，便選了一個大畫框，一腔熱誠壯志又滿懷自信地取了一堆藍綠色用心在白色的地方畫上去。好順利、好流暢，得心應手……3小時後，朋友過來問我：「這是河邊草地嗎？」哎吔，真係喎！此話一出，我滿心猶豫，連畫畫那位（自己）都看不出是藍天與綠草，一片草地變了一堆水草，一個藍天換上急流河川，有無搞錯呀我？此時此刻，信心受盡打擊，突然由心底心灰意冷起來。
如何是好？點救張畫好呢? 以自己的低能想像力，頓然想出一個最無聊的創意表達，就是加隻UFO在天空上飛，這樣便可讓大家知道藍色的部分是個天空吧！於是用了紅色再加激凸的3D表達法，誰知再看—遠睇竟然像架的士，大鑊！再不如加多堆白煙在UFO後面扮飛快移動的風位啦！點知，又變咗一舊汽車廢氣！
這個故事已經狠狠地道出一個真理：原來自己真的無藝術天分！
網址：www.facebook.com/lamwaimei/