小露寶嚟啦合金笑迎40載

適逢明年《小露寶》面世40周年，Action Toys特別為其推出EX合金，搵嚟日本造型師重塑可愛模樣，更附有變身用的車轆、螺旋槳、12款表情等，讓各位邊玩邊緬懷童年回憶。

12對眼睛任換

為重塑當年特攝片的神髓，今次小露寶搵嚟日本造型師佐藤和由操刀。玩具合金含量非常高，紅色球形頭部、水桶腰Body、四肢關節及腳掌全以Die-cast金屬打造。最過癮莫過於套在手腳的橡膠喉管，扭動時摺紋有着高還原度，銀色腳掌表面的粗糙塗裝，更充滿70年代特攝服飾的簡陋感。揭開其心口更備有兩款電子零件供替換，前者內置TV及電油管，後者則改成電路板。表情多多更是玩具一大賣點，附送多達12款眼睛，由喜、怒、哀、樂，以至色迷迷、暈眩、震驚等表情都有，只需利用磁鐵吸落眼部即可，配合各種甫士，貫徹小露寶的生鬼表情。

故障Look

「三輪車形態」於下半身直接換上3個車轆，劇中經常背着大山新太郎返學。

飛得起碌得郁

除咗大量表情外，小露寶亦懂得變身，今次玩具附上3種換裝配件。首先拆除下半身，便可更換兩種車轆配件，有劇中常用作接載人類朋友大山新太郎的「三輪車形態」，以及雙腳伸出細轆、雙手揸手柄的「四輪車形態」，兩款造型的車轆均可轉動，放喺地面碌嚟碌去都冇問題。此外，還可變成「飛行形態」，玩家只要揭開小露寶背部，再插上螺旋槳即可，加埋附送的金屬支架展示台座，便可擺甫士扮飛。

「四輪車形態」由腳掌伸出細轆、響號跟手柄，踩車靠晒佢。	暈眩Look	正義Look

機械人炮製笑彈

年輕一輩可能未睇過《小露寶》，這套特攝片1974年於日本啟播，來到香港播放時大受小朋友歡迎，成為唔少港人的集體回憶。劇中小露寶就讀機械人訓練學校，經常因大懵而弄出笑話，例如心急想拎鋼鐵老師嘅心心貼紙，為寄宿的人類家庭「大山家」解決疑難，卻為屋企人製造麻煩，要一眾朋友合力解圍。

換眼過程相當簡便，皆因全部以磁鐵吸實。	小露寶經常檢視分數卡，看看自己的好孩子指數。	玩具附上兩款電子零件內構，一種有電油管（右），一種為電路板（左）。

撰文：廖俊斌

「飛行形態」的支架以金屬製作，能穩固地承托沉重的合金Body。	送埋小露寶最怕嘅蟑螂配件，嚇到佢發晒癲。	（目及）嘢Look

攝影：陳世昌

查詢電話：2390 9843