Volkswagen Polo 聖誕Look四圍轆

佳節會佳人，除了要裝扮得型仔，若然用來接載另一半的座駕也換上聖誕裝，定必為她帶來驚喜。今次拍攝的Volkswagen Polo，車身加上充滿聖誕色彩的拉花，駛往人山人海的尖沙咀，「吸睛」指數一定爆燈。再往飛鵝山兜一轉，擁着情人欣賞維港夜景，送上精心挑選的聖誕禮物，自然浪漫滿載。

Volkswagen Polo優惠價：$148,880起（數量有限）

駛入尖咀鬧市巡航

大時大節揸車往會有封路安排及可能出現擠塞情況的尖沙咀，有人認為不智，但亦有人覺得應節開心最重要。既然將座駕粉飾了聖誕裝，唔揸出去慶祝巡航，確是十分浪費。況且，區內的大型商場不乏餐廳食肆，又提供免費泊車優惠，泊好車，享用浪漫聖誕大餐，然後手拖手欣賞燈飾，再去緬甸臺訊號山花園，與情人在寧靜的環境談談情，送上窩心禮物，必定冧晒。若想遊車河，可開車往飛鵝山，這裏俯瞰最美的香港夜景，與愛侶共同留下甜蜜又難忘的回憶。

聖誕樹雪人剪影

聖誕Polo的兩邊車身有聖誕樹剪影，C柱下更有廠徽和「MERRY CHRISTMAS」字樣，頭冚、車頂和尾門就分別有鹿車、雪人和聖誕禮物的剪影。穿梭繁忙的尖沙咀大街小巷，途人必行注目禮。這輛Polo 1.4跟標準版相同，賣相的骰，車身長闊高分別為3,970、1,682及1,462mm，車架用上大量鋁合金物料，車重對比上一代輕7.5%，不單止性能，連燃油效率也提升。廠方公布的綜合油耗為5.9L/100km，計落唔使$1/km。即使平安夜用來遊勻港九新界亦不肉赤。

訊號山仍保留逾百年歷史、充滿愛德華建築風格的訊號塔。

尖沙咀區大型商場林立，聖誕氣氛最濃厚。

車價便宜設備齊全

雖然Polo作為Volkswagen在本地的入門車，但內裝設備一點不齋。軚環、手掣及波棍頭等均以真皮包裹，還標配Halogen頭燈、後泊車距離感應、前座安全帶拉緊裝置等。軸距達2,470mm，加上巧妙運用車廂每處空間，明顯較上一代闊落，乘坐舒適度大增。動力配置搭載直四自然吸氣引擎，最大馬力及扭力分別為85ps及132Nm。配合七前速DSG雙離合器自動波箱，波檔銜接暢順，加速線性，應付本港路面綽綽有餘。現在出車只需$148,880起，比原價平成萬元。