荷里活動作影星史泰龍的電影，相信唔少人都睇過，除了《第一滴血》的Rambo外，《洛奇》的Rocky亦膾炙人口。首集電影於1976年11月上映，票房逾2.25億美元。呢位拳王長做長有，至2006年踏入系列作30周年，加推第6部作品《洛奇：拳王再臨》。
若各位有睇過《洛奇》第1集，都知道Rocky由寂寂無聞的拳手，至挑戰重量級冠軍阿波羅，雖然擺明係越級挑戰，卻憑毅力打足15回合，贏得全場喝采。原來電影的構思來自1975年一場拳賽，當時由拳王阿里對業餘拳手Chuck Wepner，阿里的經理人原想挑選較弱對手作賽，讓阿里有時間休息，估唔到比賽糾纏了15回合，其不屈不撓精神振奮人心，重點係當日呢場拳賽，史泰龍睇足全場，因而決定將故事拍成電影。
業餘拳手洛奇與重量級冠軍阿波羅對陣，雖敗猶榮。
洛奇與阿波羅再次比賽，洛奇初嘗拳王寶座。
陷入低潮的洛奇，由昔日的死對頭阿波羅擔任教練，重燃鬥志。
洛奇好友慘遭拳擊機械人毒手，洛奇被迫復出。
原本歸隱的洛奇，受到反派Tommy挑釁，憤然接受挑戰。
以拳擊電腦遊戲作為契機，讓過氣拳王洛奇與現任拳王在擂台對決。
撰文：黎子豪