Rider Black × Battle Hopper 戰蝗抗宿敵

比例忠於原著

新版Black的外形經過大執，原作走英氣路線，頭、胸、膊頭三處比例相若，來到新版則將膊頭縮小、頭部放大，眼睛所佔比例較多，營造出當年特攝外觀。細節方面，其關節換成淺啡色，腰腹連接處加入筋腱來遮住穿崩位；至於腰間「王力鑽」造型也大幅改動，由上代的四方簡陋設計，變成新作滿有Detail細位，中間紅圈亦冇咁透明。

電單車新塗裝

車頭沒有儀器錶板，其實用「貼紙」也不太難吧？

前輪油壓不設可動機關，有點可惜。

而Black嘅電單車戰蝗號，設計也有明顯改進，舊版車身採用金屬塗裝，雖然顏色亮麗，但不合乎原著質感，故新車車殼的綠色部分取消了金屬底漆，觀感順眼得多。此外，車身引擎加入豐富內構，尾端車架又可升高壓低，表現出真實感，但廠方有點「捉到鹿唔識脫角」，如前輪油壓沒有可動性，車頭又冇安裝儀器錶板等，都幾慳皮。

車架尾端可以壓低，表現後助力真實感。	戰蝗號車殼的綠色減省了金屬底漆，跟足特攝原著。	關節筋腱換成淺啡色，並提升可動幅度，抵讚！

同場加映：宿敵之戰

很多人誤會Black同影月這對宿敵係親兄弟，查實佢哋冇血緣關係。Black變身前為光太郎，本是孤兒一名，後被秋月博士收養；而博士個仔信彥，自小同光太郎玩到大。直至黑妖幫捉咗佢哋洗腦改造，前者幸免於難變成Black，後者則變咗敵人「世紀王」影月。劇中兩人幾番激戰，當中最經典一幕是影月強搶Black的戰蝗號，亂戰間電單車為保護主人身受重創，最後自爆告終。

腰間「王力鑽」增加了精密度，比舊版靚得多。	腰腹連接處加入了筋腱組件來遮住穿崩位，扭動擺甫士冇有怕。	股關節及膝關節改良了活動性，絕招「風雷電」踢得零舍威風。
玩家可重現劇中戰蝗號對影月，勇救Black一幕。	「世紀王」影月再版，造型獲得好評。 售價：4,500日圓

撰文：廖俊斌

攝影：方偉堅

查詢電話：2433 1828