Freelancer雖說是「自由人」，不用受到準時上班的束縛，可惜「自由」只是一個稱號，就像「靚女」，根本與現實狀況扯不上關係，真正的自由只屬於打跛腳唔使憂的富二代，尚要跑江湖搵兩餐的我有甚麼資格自由呢？像這兩天，我便要試試乘坐英國航空的全新A380空中巴士，由香港飛往倫敦。
朋友都說：「你就好啦，有得坐全新嘅A380飛去倫敦，仲有得坐商務客位。」大家有所不知了，我在倫敦只能打個白鴿轉，便要火速返回香港，前後只在倫敦逗留28小時，來回航程則總共25小時 —— 像這樣的行程，你還會羨慕嗎？
先旨聲明，問題不在主辦單位，而是本人。原本英國航空一番好意，安排我乘坐香港往倫敦的A380首航班次，在倫敦休息及暢遊兩日半才回港，可是我在港尚有工作在身，迫不得已要遲一天出發，回程日子卻不能更改，結果只剩下1.5日的倫敦時間，逗留時間短過去澳門度周末……說到底，是自己的工作編排問題，與人無尤，最後的決定只不過是To Fly or Not To Fly，好Shakespeare囉！
倫敦當地朋友問：「28小時？唔辛苦咩？Jet Lag點算？」對要工作的旅客來說，Jet Lag是一種奢侈品，我們負擔不來，得閒死唔得閒病，得閒飛唔得閒時差。
我也認識一些工作比我繁重得多的朋友，經常要即日來回東京與京都或者上海與北京，體力之負擔絕對是非旁觀者所能理解。
網址：www.chan-wai.com