踩車玩Action Cam 「衝」擊視覺

天氣漸涼，不少人都鍾意踩吓單車玩樂一番，但就咁踩車又冇乜挑戰性，想激啲不如挑戰落山單車（Downhill Mountain Bike）活動，由山頂一路衝落山，又Free又過癮，帶埋近年大熱嘅Action Cam以第一身視覺拍片，速度感滿分。今次請來玩開Action Cam嘅香港落山單車代表徐震球（Ball），分享呢項運動同衝山拍片嘅樂趣。

$山地單車課程<BR>有興趣玩山地單車的你，不妨到facebook加入「爬山\越野\落山單車入門興趣班」群組，入面有齊相關資訊，並會因應學生程度而提供課程。$

山地單車課程
有興趣玩山地單車的你，不妨到facebook加入「爬山\越野\落山單車入門興趣班」群組，入面有齊相關資訊，並會因應學生程度而提供課程。

身高揀車保護齊全

其實山地單車可細分為上落山多段變速的Cross Country、適合各種路段的All Mountain、專為下坡衝山而設的Downhill等，後者設計主要針對極限運動，所以保護裝備一定要足，玩咗十幾年Mountain Bike的Ball表示：「初玩落山單車應該揀輕身車款，並根據自己的身高選擇車架，大多分為加大（>185cm身高）、大（177~185cm身高）、中（173~178cm身高）、細（167~174cm身高）和加細（<168cm身高）5種，以我173cm身高為例，就用緊細碼車，加上香港山野彎多路急，車身愈細愈能發揮靈活性。此外，還要戴上頭盔、風鏡、手套、護肘護膝作保護，減低受傷風險。」

裝在頭盔較為穩定

近年愈來愈多人玩極限運動如Mountain Bike、Snowboard時，加裝Action Cam拍攝第一身視覺，唔好以為將鏡頭求其綁上身就算，其實當中有不少技巧。以落山單車為例，Action Cam多數會裝在頭盔或車身，前者可捕捉車手視點角度，後者則用作記錄路面狀況，兩者均可幫助提升車手技術。Ball指出：「由於落山時車手的視點會傾向下方，所以頭盔上的鏡頭應以眼睛水平再校高少少，拍出嚟就會望向前面山路；而安裝在車身則與手把位成水平就OK。」他建議將Action Cam安裝在頭盔上，皆因車手識得卸力和避震，條片自然拍得比較穩定，唔怕之後睇到頭暈。

花式示範<BR>飛泥Jump加Pan車<BR>從高處向下衝至高台凌空飛躍，並在空中瞬間將車身加以傾側的連貫動作，屬高難度級別。

花式示範
飛泥Jump加Pan車
從高處向下衝至高台凌空飛躍，並在空中瞬間將車身加以傾側的連貫動作，屬高難度級別。

花式示範<BR>掟Berm<BR>以高速穿越由泥濘組成的狹道，利用離心力把身體和車身貼近地面，愈貼近地面難度愈高。

花式示範
掟Berm
以高速穿越由泥濘組成的狹道，利用離心力把身體和車身貼近地面，愈貼近地面難度愈高。

構圖緊湊剪輯精華

雖然香港山多路多，但適合踩車衝山嘅地方不多，主要有大帽山、大欖郊野公園、上水天平山等，不過唔係度度都拍到靚片，Ball強調：「我不僅為咗自己拍片，亦想同人分享，大帽山路段變化較多，加上兩邊都有樹木，所以拍出嚟會緊湊啲，最靚嘅拍片位係河背路段，衝山途中可見到河背水塘，視覺較為吸引；另有一段越野單車體驗徑，適合畀新手玩。相比之下，天平山地勢頗為空曠，拍出來嘅焦點就唔夠集中啦。」值得留意，Action Cam拍嘅片多數冇聲，所以Ball推薦使用《Final Cut Pro》軟件剪片，將精華片段剪輯成約5~10分鐘，再配上節奏明快的背景音樂，睇片時更精彩。