直闖旺角Hot Toys秘密基地

起分流作用

近年途經旺角行人專用區，除了見到各式街頭賣藝者外，另一奇景是兆萬中心總出現長長人龍。究其原因，無非是為了預訂Hot Toys的Figures。其主腦Howard明白長此下去唔係辦法，遂於一年前物色分店，希望起疏導客人之效。「兆萬嗰邊受舖位面積所限，排隊時容易引起混亂。如今信和Secret Base擔當了分流作用，以後預訂及派貨都會集中於此，兆萬舊舖則變回Walk-in零售店，客人毋須逼喺一個地方，更加舒服。」

以科幻裝潢

目下所見，新舖佔地超過3,000呎，的確比舊舖大得多，而且店內設有6個服務櫃台，可一對一照顧客人，慳番唔少輪候時間！新舖裝潢亦令人留下深刻印象，全店以太空艙為設計概念，灰色牆身、白色電動閘門，令人猶如進入《異形》太空船一樣。Howard表示︰「客人訂貨或取貨都要花唔少時間，與其把新店當係貨倉，不如將我最愛的Sci-Fi元素融入其中，令玩具迷感受與別不同的購物體驗。」

主題概念店裝潢向《異形》取經，太空艙設計勁科幻！

復仇者聯盟 事先張揚盡出復仇者聯盟Figures的Hot Toys，現場Show off一眾主角。

電影主題區

科幻布局固然吸引，更吸引是店內形形色色的主題展區，計有Marvel、DC Comics、Star Wars、異形、鐵血戰士及未來戰士等，除放滿歷年主題Figures外，還備有多個1:1原大珍藏雕像及電影情景擺設，例如異形蛋、星戰場景等，粉絲豈能錯過！另外，Iron Man貴為最具人氣的Item，亦設有一個龐大展區，歷代型號及Hall of Armor都可於這裏找到，而最爆當然係Robert Downey Jr.及Don Cheadle幾位主角的親筆簽名板，有錢都買唔到，絕對係鎮店之寶！

Sci-Fi珍藏 Howard係Sci-Fi迷，最愛的異形及血獸當然設有獨立專櫃。	Batman新品 新店日後還會展出部分試辦，The Bat戰機是其中之一。	Howard希望新店能提升客人的購物體驗，同時為Hot Toys產品作一個回顧。

撰文︰陳志滔　

現場必睇 Robert Downey Jr.親筆簽名板，絕對叫粉絲口水直流。	新店引入Iron Man的Hologram浮空投影裝置，可重溫Tony Stark變身過程。	為慶祝新店開幕，同步推出Mark XXI，全身土豪金勁搶眼，惟早前經已截訂。
另有Mark XXXVIII的Igor。售價：$3,280（預訂價為$3,230，可於10月17日到Secret Base訂購。）

攝影︰陳富權　

查詢電話︰3722 3988

地址︰香港九龍旺角彌敦道582~592號信和中心20樓全層