Meetup新勢力 「網」羅山友

星期一 下午 雨

Meetup風靡全球

Meetup顧名思義係約人一齊玩嘅網站，現時它於全球有逾13萬個Groups、近1,500萬個會員，只要想參加甚麼活動，打個Keyword就搵到，小記見到有打波團、義工團、划艇團等，當中喺香港以行山團最為熱門，單係香港遠足覓合團便有逾8,500個山友。想參加活動亦好方便，只要填上個人電郵便可免費登記成為會員，再搜尋有興趣嘅Group，一「Join」便可見到群組發起嘅活動！小記撳咗「Attend」過兩日舉行嘅大潭水塘行山團，一於親身睇吓Meetup究竟係咩一回事。

團長SK：「我哋有位年逾60嘅領隊，佢曾保持好多越野比賽紀錄，可見網上有好多『高人』。」

團員Sze：「第一次參加Meetup活動，非常滿意活動嘅安排。」

星期三 上午 晴

團員Jan：「之前在美國行開山，返到香港後想繼續這活動，所以參加Meetup群組。」	當日活動在大潭郊野公園開始，入口位於陽明山莊附近。	除了今次介紹的香港遠足覓合團，Meetup仲有其他群組畀大家選擇，好似越野跑等都有得揀。

走一轉 識朋友擴圈子

第一次參加Meetup行山活動，小記本着認識朋友、交流心得嘅諗法到達集合地點，香港遠足覓合團團長SK即熱心講解群組故事。曾經挑戰新西蘭庫克山等地嘅SK，在覓合團成立8年期間，參加了超過650次活動。「覓合團之所以選擇扎根Meetup，全因這網站用法簡便，更是互聯網最早設有活動群組的平台之一。成立群組嘅原意係想介紹香港畀更多外國人認識，不過其實我有另一目標，就係想透過眾人力量去做更多公益事務，回饋社會。」SK又指，群組內有來自近40個國家的外籍人士，所以依家Join嘅香港人一般有較高外語水平；小記就覺得咁都係一個好玩之處，如果想學西班牙文、法文等的話，咁就可以行山時順便互相交流。

星期三 下午 晴

團友分享 行山更Free

領隊Jack負責設計今次的路線，再加上6名團員有男有女互相照應，分享參加Meetup心得和經驗，感覺相當Relax。團友Sze表示：「有時想行山，未必同朋友夾到時間，喺Meetup就有機會參加其他山友搞嘅活動。除咗行山時間更Free外，還可擴闊生活圈子。」另一團友Jan就話：「之前喺美國有玩開行山，返到香港都想繼續呼吸新鮮空氣，所以選擇參加Meetup行山團搵同道中人。」

星期日 下午 雨

入門及進階路線

今次小記嘅行山裝備都未夠標準，以後除咗要「升呢」裝備外，仲要搵個初階行山團訓練一下。記得SK推介，由鰂魚涌行上陽明山莊路段又唔多岩石又易行，大約兩個半小時行到6公里，算係訓練徑之一。其實網站還有很多中高階行山活動，路段主要由步行速度、坡度、距離、路面狀況去分難度，山友不妨因應能力挑戰。另外覓合團有時更會去西貢等地行山兼清理海灘垃圾，有興趣不妨參加這類有意義活動！

入門推介：港島徑最近入選Lonely Planet全球十佳步行徑，係亞洲唯一入選路段，新手必行！其中鰂魚涌段為SK推介嘅入門路線。

進階推介：水牛山風景優美，不過由於路面不平，所以行山難度高至3.6分（最高5分），自問係新手級山友就不宜參與。

Hong Kong Trail Runners

越野跑群組每星期約有5個活動，有信心應付長途山路，又想挑戰自己體能的話便可參加。

網址：www.meetup.com/HKTrailRunners/

撰文：孔慧思

攝影：張群生

模特兒：Paris（Pure Models）