魚味無窮大搜查

日本直送魚鮮雖然吸引，但價錢絕對唔平，即使再喜歡也只能偶一為之。況且食魚要睇當造期，想隨時隨地品嘗到最鮮甜的魚香滋味，買定一大堆以鮮魚入饌的醬料及零食看門口，食欲必定大滿足。

醬汁用料十足，風味絕佳就像品嘗鮮魚一樣，有齊吞拿魚、三文魚、黑線鱈魚、扇貝4種口味，用來送禮也夠體面。

黃鰭吞拿魚肉質豐腴油潤，含豐富蛋品質、奧米加3脂肪酸等，對心臟有益並能預防血管硬化，用橄欖油浸亦健康清新。

鮭魚亦即三文魚，貪方便可直接將三文魚碎與白飯拌勻來吃，想更加講究則可連同雞蛋、雜菜來炒飯，雖然只是魚碎，但卻鮮味可口。

吃厭了杯麵，可試試同樣3分鐘食得的螺絲粉。忌廉湯配三文魚和菠菜味道鮮甜，最重要是只有160卡路里，醫肚餓又唔怕肥。

用唐辛子、味噌、糖、鹽煮過的秋刀魚肉香濃惹味，並蘊含豐富DHA及EPA不飽和脂肪酸，用來佐酒或送飯同樣滋味有益。

以為魚肉混入了芝士與黑胡椒，鮮香魚味將會被掩蓋，結果三者的味道卻層次分明，微辣香氣令人胃口大開，細細塊送啤酒一流。

旗魚酥是台灣特產，以古法拌炒上等旗魚肉，含豐富DHA，細膩而帶嚼勁。可為餸菜調味，亦可與粥、飯、麵包同吃。

選用鹿兒島鱈魚及金線魚製作，混入了章魚肉、唐辛子、紅椒等材料，口感煙韌彈牙像獅子狗卷，睇波時隨時可以KO兩三包。

竹筴魚又稱為真鰺，日本人喜歡以鹽烤的方法來炮製，想品嘗這種風味毋須大費周章，這包魚乾已將竹筴魚烤熟切絲，分量十足。

清酒、鮮魚、漬物皆是日本人喜愛的美食，這個小食就用新潟能鷹銘酒醃漬鱈魚，魚肉依然滑嫩彈牙，漬物獨有的酸甜香味更令人無法抗拒。

（a）city'super

地址：尖沙咀海港城3樓

查詢電話：2375 8222

（b）日本極上食品市場

地址：灣仔堅拿道西15號永德大廈地下G16號舖

查詢電話：2574 1112

撰文：楊雅菁　

攝影：譚建章、陳富權