南丫島古法撒網 漁興節目

體驗捕魚樂趣

南丫島南部的索罟灣擁有袋形地勢，除了是天然避風塘之外，亦是魚排養魚和近岸捕魚的好地方。傳統上艇家會在近岸展開一排排的魚網，然後驅趕魚群埋網，在「南丫島漁民文化村」便可親身試玩。據有超過40年捕魚經驗、現擔任導賞員的明哥表示：「首先喺海拋下綁有紅旗及浮泡的指示浮標，以警示其他艇家，然後駛船沿直線緩慢航行，順着拉力便可逐少將魚網撒下，而魚網會喺海床自行張開形成屏障。」

打水樁嚇魚撞網

沒有魚餌，放了魚網又怎樣令魚群「自投羅網」呢？明哥二話不說拿出一支裝上木栓的木樁，原來各位只要拎住佢，在魚網與海岸之間水域反覆敲打，在水底形成「隆隆」聲，魚群被嚇便會往深海方向逃走，自然會撞上魚網。明哥提醒大家，打水樁時要「斜落直出」，否則會被水花整到成身濕晒。「其實魚排範圍另有一個網魚區，若然人數夠的話，可以夾手夾腳拉動繩索，模擬起網撈魚呢！」

出海撒網捕魚需先預約，$800便可供最多20人上船玩，計落每人$40，幾抵喎！

這艘三桅漁船已有近50年歷史，升起紅帆充滿懷舊味道。

親手紮纜兼起帆

「工欲善其事，必先利其器。」捕魚高手除咗要技巧純熟外，作業工具也相當重要。文化村內有織網、紮纜等活動畀大家試玩，「漁民喜歡物盡其用，自製絞纜機將舊魚網交叉紮成拖船用的纜繩。」明哥指出，紮纜最重要是「打氣紋」，令繩材處於繃緊狀態，之後紮成纜繩時便會相當結實。

內裏布置成傳統艇戶面貌，身處其中充滿漁民Feel。	明哥至愛的魔鬼魚「肥仔」，只要拍打膠桶，佢自然上水Say Hi。	園區內有多個供釣魚及餵魚嘅魚排，照顧到釣友需要。

再者，這裏停泊了一艘近半個世紀的三桅漁船，船艙布置成傳統的起居室，大家可實地了解大海兒女的生活情況，也可親手升起主帆，化身真正漁民。

撒網捕魚 先將綁有紅旗及浮泡的指示標拋落水，提醒其他船家。	漁船沿直線緩慢航行，各位順着拉力便可逐少將魚網撒下。	反覆使勁打水樁，魚群被嚇便會撞向魚網。

漁民知識考考你

1. 織網點解要用竹片？
答案：
扁平的竹片「棋」是用來量度網眼大小，即魚網窿位，然後利用「針」編織魚網。

織網點解要用竹片？	揸住個葫蘆搞乜東東？	呢部係古代Skateboard？
魚排睇真啲 展覽區擺放了兩艘龍舟，大家可學習划艇姿勢、打鼓節奏等。

2. 揸住個葫蘆搞乜東東？

答案：

葫蘆原來掛喺小孩身上！古時艇家為怕小孩跌落水，便利用葫蘆當水泡，同時提供識認方便救人。

3. 呢部係古代Skateboard？

答案：

這是漁民的絞纜機，將3條繩材或舊魚網套入坑道，一邊絞動手把，一邊拉動楊桃木製成纜繩。

魔鬼魚近距離接觸

其實文化村是一個佔地龐大的魚排，本身已提供有鈎及無鈎釣魚，甚至可買魚餌去餵魚區睇龍躉、海斑。至於中央部分設立龍舟展覽區，大家可坐上龍舟一邊學習划艇姿勢、敲鼓節奏，一邊聽導賞員講解龍舟風俗。講到最過癮的莫過於「海產廊」，可看到產於馬爾代夫的黃瓜子斑，仲可以零距離接觸明哥飼養、直徑達4英尺的10歲魔鬼魚「肥仔」。明哥說：「只要我拍打膠桶，佢聽到聲音便會從海床撲上水面，晃動兩側魚鰭，興奮地等食物呢！」大家記得同佢影張靚相。

南丫島漁民文化村資料

開放時間：10:00am~6:30pm

地址：南丫島索罟灣養魚區（售票處於索罟灣第一街5號地下）

票價：$98（包入場費及魚排活動，部分項目如出海網魚需預約及另費）

查詢電話：2982 8585

撰文：廖俊斌

攝影：陳富權

模特兒：Christie