榴槤甜品　延長滋味

隨着當造期快過，生果檔擺放榴槤的地方，或許早已退位讓賢；之不過炮製成甜品，就是另一個故事了。

坊間不少榴槤專家，最近就以馬拉飛機貨，加大力度推出新口味甜品，讓大家捉緊這條夏天尾巴，細味榴槤的愛與恨。

榴槤芝士撻 （自助餐菜式） （b） 一口一個的撻皮鬆脆，盛着榴槤餡，於自助餐時段新鮮出爐，記得趁熱食。

榴槤芝士蛋糕（自助餐菜式）（b） 幼滑忌廉芝士跟絲絲榴槤肉作配，綴以白朱古力片，造型骨子。

酒店登場

吃生果要睇時機，以馬拉榴槤為例，一般來說當造期在5至8月，過後又要等下一年。未夠喉點算好？好在榴槤急凍存放後，味道不會大走樣，起肉變身做甜品，絕對是不錯的折衷方法，講到尾，還是以鮮榴槤入饌最具噱頭。

迷你榴槤杯裝蛋糕 （自助餐菜式）（b） 蛋糕充滿雲呢拿香，內藏新鮮貓山王肉，亮點是上層厚厚的白朱古力忌廉，甜得來不膩。	榴槤雪糕 （自助餐菜式）（b） 成分中有70%是D24榴槤肉，混入斑蘭葉、雲呢拿籽等製成，齒頰留香。	榴槤Opera Cake $39（左）、 榴槤芝士蛋糕 $39 Opera Cake可以說是法式經典糕點的榴槤版，以D24餡料取代傳統的咖啡忌廉；至於芝士蛋糕，在華麗外形底下，是曲奇餅底，芝士味重，並未被D24榴槤比下去。

像尖東唯港薈，將於8月26日至9月30日推出一系列榴槤新甜品，標榜以樹上熟D24或貓山王打造，聽落已夠Class。在酒店人氣蒲飛場The Market登場，亦可在大堂餐廳GREEN吃得到，選擇更加自由，榴槤粉絲記得Mark定日子朝拜。

馬拉D24水晶榴槤菓子　$139/8件 新加坡製造直送抵港，水晶皮半透明，厚得來煙韌，切開是100%果肉，味道澎湃。	馬拉榴槤雪糕 $49起/杯 特別以榴槤種類劃分，以凸顯不同的味道；臼籽較甜、D24 Aftertaste悠長、貓山王則滲來陣陣咖啡香。	3D立體榴槤蛋糕 $39 迷你榴槤，賣相可愛，更綴以點點金箔提升貴氣，忌廉釘裏面是絲絲果肉，過癮。
榴槤Macaron $15/粒 全港首創以新鮮D24榴槤肉代替傳統果醬或奶油夾心，與別不同。

百變款式

一般酒店鮮有以榴槤掛帥，偏偏這裏的糕餅總廚Danny，膽識十足愛向虎山行，以榴槤甜品突圍，去年起先後在自助餐推出榴槤芝士撻、雪糕等試水溫，殊不知大受歡迎，為他打了支強心針。

今次加碼創作，一口氣推出炸榴槤、Cupcake、奶凍、法式燉蛋、棒棒糖、瑞士卷、豆腐花等美食，輪流每日限量供應5款。推介炸榴槤，以米網紙裹着雪至冰凍的新鮮榴槤肉，油泡幾秒做成外脆內軟的冰火感覺。另一款棒棒糖則是Cake Pop的變奏，賣相似足珍寶珠，72%朱古力內藏榴槤肉，味道很夾。

識窿路揀手貨

膽識之士Danny來自馬來西亞，故鄉家人開設榴槤園，熟知行情和「窿路」，就算季尾也能找到靚貨個個禮拜空運到港。他會因應貨色質素而揀選醉香的D24或甘香的貓山王入饌，細味起來各自各精彩。

（a）GREEN

地 址：九龍尖沙咀東部科學館道17號唯港薈大堂

查詢電話：3400 1300

（b）The Market

地 址：九龍尖沙咀東部科學館道17號唯港薈2樓

查詢電話：3400 1308

自助餐：午市成人$288、晚市成人$538起

*另加一服務費

專門店加推

想把榴槤甜品帶回來細味，可以到醉榴香在銅鑼灣新設的旗艦店。以馬拉榴槤冰皮月餅起家的醉榴香，成立實體舖後加推Handmade蛋糕，從自家果園空運榴槤，再在香港找師傅創製獨家甜品，計有Macaron、Opera Cake等6款，當中以3D立體榴槤蛋糕最吸睛，受歡迎程度拍得住店內招牌馬拉榴槤水晶菓子。注意蛋糕在星期一至四只接受預訂，星期五至日才有現貨出售，記得夾啱時間。

醉榴香

地 址：銅鑼灣軒尼詩道499號永光商業大廈17樓全層 查詢電話：2126 7155

撰文：盧振宇

部分攝影：盧展程