GALAXY Tab 3 8"左右開Apps

溝女誡條一：切忌花心！畀女友知道你同佢食緊飯時，喺枱底同第二個女仔WhatsApp，隨時「反枱」都似。不過玩Gadgets就唔同，屏幕愈多嘢玩自然愈過癮，好似剛到埗嘅GALAXY Tab 3 8"，8吋屏幕可以一分為二玩Multi-Windows，左邊睇文件、右邊掃網頁，最啱花心人士！

售價：$3,398（3G版）$3,698（4G版）

似足輕磅Note 8.0

提起平板電腦，大部分廠商都推出7吋或10吋型號，Samsung偏偏要試埋8吋嘅反應，勢估唔到出咗冇耐嘅Note 8.0獲得一致好評。新作自然食住呢個熱潮，無論8吋設計以至1,280×800解像度都似足Note 8.0，但冇咗支S Pen後，新機窄咗、薄咗兼輕咗，單手揸機睇片、上網輕鬆自在。而今次推出嘅3G和4G版同樣支援語音通話，可以當埋手機咁用，煲粥、短訊都冇問題。GALAXY Tab 3系列仲同時對應2.4GHz及5GHz Wi-Fi，喺屋企或出街上網更方便。

Multi-Windows功能

話就話Android智能裝置支援多工處理，其實次次換Apps都要長㩒Home鍵再揀Apps，步驟多多。新機就幫你慳幾重工夫，皆因植入

採用TouchWiz介面，支援最多7版主頁。

SIM卡槽及記憶卡槽設有保護蓋，唔怕入塵。

Multi-Windows功能，畫面可以一分為二同時運行兩隻Apps，一邊睇YouTube、一邊瀏覽網頁都冇問題。除咗玩多重視窗，新機用嚟睇eBook一樣啱使，啟動「閱讀模式」後，系統會將屏幕亮度、對比度自動調低，令畫面似足書本紙張嘅感覺，睇書時雙眼就冇咁易攰；配合預載嘅《Readers Hub》，有超過5萬本電子書供下載，變身文藝青年話咁易。