西沙獎門人 海上估歌仔

Game 1

濕身喪跑估歌仔

超級無敵估歌仔大家就睇得多，在沙灘上玩都冇乜難度，但今次移師至18呎長、6呎闊的水上浮墊，先將防水喇叭放在浮墊一端，然後兩位參加者在浮墊另一端準備，一播歌便鬥快跑到對面，拎起喇叭估吓係乜歌。別以為「水上飄」很簡單，跑時巨墊會因受力而飄上飄落，平衡力差啲都即時跌落水，要兼顧平衡和速度，連模特兒都被考起。　 刺激度：★★★★★（以5粒★為滿分）

輕鬆小熊防水喇叭 $238（b） Zumreed Drop防水喇叭$468（b）

開始時先在浮墊準備，播放音樂後鬥快跑到另一端估歌仔。 水上浮墊費用：$100/30分鐘 （a）

器材：防水喇叭

器材：浮板

將浮板拋上空中，然後兩人同時跳起，用身體夾住空中浮板。 水上彈床費用：$100/30分鐘 （a）

驟眼睇以為係水壺，實際是防水喇叭，只要將iPhone或MP3機放入去並接駁3.5mm插口，毋須入電便可在沙灘播歌，不過記得佢哋只係生活防水，跌落海隨時報銷。唔想帶喇叭點算？人肉唱歌啦！

Game 2

人肉彈起夾死你

器材：船槳及西瓜

器材：水桶及雨傘

超級無敵夾死你嘅玩法係兩人用臉夾住由多士爐彈起的多士，換作海上版，舞台亦移師至水上彈床。彈床中央既堅韌又富彈力，平時在海中兩三個人彈上彈落已夠好玩，今次加入獎門人元素，以浮板代替多士，需要兩人同時彈起，夾啱時間喺空中用臉頰或身體夾實浮板，極考兩人默契，情侶最啱玩。刺激度：★★★★

器材：浮板

電動浮板 驟眼睇係普通滑浪浮板，其實底部設有摩打，輕按把手按鍵即可前進。（a）	水上單車 利用腳踏控制前進或退後，能透過操控桿來控制左右轉向，小朋友都啱玩。（a）	自家製漢堡包連薯條 $80（c）

之所以由獎門人的多士變為浮板，純粹因為浮板較大塊和軟腍，較易用身體夾到。如各位想多點難度變化，可用麵包、水泡等取代。

Game 3

氹氹轉扑西瓜

玩法參考超級無敵氹氹轉，先將船槳或浮水棒插在沙上，然後彎腰以頭壓船槳，順時針轉10個圈，鬥快跑去扑西瓜。轉到頭暈暈，仲睇準位置扑中西瓜，既考平衡又考眼力。

刺激度：★★★

器材：船槳及西瓜

可問活動中心借獨木舟槳，為免船槳唔夠用，可自備一些浮水棒，西瓜則可因應人數而選擇大細。

Game 4

海上超級包剪揼

準備水桶及雨傘放在沙灘上，然後兩人玩包剪揼，猜贏的便拿起水桶，在海上撈水淋向輸家；對方為求自保，亦要鬥快拿起雨傘打開，反應慢少少都變落湯雞。

刺激度：★★★

器材：水桶及雨傘

水桶可以問西沙活動中心借，另可自備各式雨傘。

任玩推介

其他水上活動

除了水上浮墊和彈床外，其實西沙水上活動中心仲有好多嘢玩，當中有一個「任玩優惠套餐」，包水上單車、水上碰碰船、電動浮板、獨木舟等7種玩意，任玩2小時只需$155。而往返的交通亦唔算複雜，於香港仔碼頭乘前往模達灣的街渡，船程約23分鐘，詳情可瀏覽www.sai-sha.com。

街渡船費：$11（星期一至六）、$16.5（星期日及公眾假期）

迎海風享美食

必試漢堡包

玩咗大半天，係時候祭一下五臟廟，各位可到水上活動中心旁的星浪餐廳享受美食，環境開揚兼面對大海。老闆推薦自家製漢堡包，肉汁豐富牛味濃郁，麵包焗過後外脆內軟，吸收了肉汁味道更是滋味。

撰文：周仲明

查詢電話：（a）2792 8307、（b）3148 9455、（c）2982 8186