1:6 Roadblock 爆肌「義勇」軍

新開發肌肉素體

Roadblock作為義勇群英部隊最受歡迎角色之一，選角自然不能兒戲，演員必須孔武有力、高大健碩，而且要表現出領袖魅力。原職摔角手、花名The Rock的Dwayne Johnson正是不二之選。為忠實呈現呢個大隻佬角色，Hot Toys特別將Body重新起模，以舊有T-800阿諾的素體為基礎，把胸、膊、手臂一併加粗加厚，令原本30cm高的Body變得肌肉感十足，拍埋其他1:6 Figure差不多大半個碼，氣勢贏晒！

紋身被迫甩走

大隻以外，素體亦不失靈活，事關其活動關節達30個，手肘位更設有雙關節，令前臂可向前屈曲90度以上，擺甫士自然唔會硬晒軚！惟心水清的粉絲應該記得The Rock左邊手臂有大大個紋身，佢老哥表示紋身含有家庭成員，因此唔想出現喺玩具身上，故素體這部分沒有補上，雖然有點失真，但屬情有可原。素體以外，佢對頭雕亦有意見，起初表情設定得較為兇悍，他希望改為Chok一點，好彩台灣新進頭雕師Viva Lai有一定功力，無論輪廓、唇形、光頭及高鼻樑都尚算神似，加埋JC. Hong嘅頂級塗裝，基本上一望就知係佢本人。

頭雕五官輪廓都幾似，只嫌表情太木獨，冇咗佢原有嘅霸氣。

軍靴塗裝及形狀幾可亂真，美中不足係新淨得滯。

鐵蓮花一變四

Hot Toys以軍事人偶起家，Roadblock一身軍服自然難唔倒佢，迷彩軍服、防彈衣、槍袋及護膝都跟到足，其中防彈衣更以ABS軟膠及運動布料混合而成，立體得來兼具彈性，穿上後勁Fit！配件係另一亮點，先唔講M249班用輕機槍整到成把真槍咁款，跟盒仲送埋戲中嘅Brass Knuckles鐵蓮花，只要配上不同配件，便可變成匕首、手槍、警棍及刀仔，而且全部易插易拔，一個武器四種玩法，開心死班玩家。

左手戴有軍錶及GPS定位儀，兩者都有舊化感，勁認真！

全新製作Body，有30cm高、30個關節。

撰文︰陳志滔

匕首	刀仔	手槍

攝影︰胡振文

警棍 鐵蓮花有4種變化，夠晒好玩。

附送M249班用輕機槍、手槍及鐵蓮花等各式武器。

查詢電話︰2388 4677