9呎紙船率先睇師傅教你DIY

小時候，每次聽朋友仔哼唱《氹氹轉》，心裏總是打個問號：點解阿媽會叫我去睇龍船？講真，龍舟競渡年年有，作為觀眾往往有得睇冇得玩，難怪小朋友寧願走去睇雞仔。

不過，今年有一艘龍船真的要睇睇，皆因船身以紙張、竹條紮成，長約9呎，聲稱是全港最長的紙龍舟，並會於端午節化身許願船，任由你我他掛上心意卡。適逢父親節快到，一於趁機送爸爸一句恭賀說話，祝他一帆風順吧！

現身香港仔

賽龍舟是端午節習俗，多個地區包括沙田、大埔、西貢、愉景灣等等，都會在當日舉行賽事，但說到歷史悠久，首推香港仔。相傳早在100年前，當地已有漁民舉行龍舟比賽，祈求風調雨順。比賽前，除了有祭祀儀式，漁民又會先將小型紙龍舟放進水，船上印有「一帆風順」、「耀武揚威」等吉祥字句，為選手及來年祈福……時至今日，賽龍舟依舊上演，連放紙龍舟的習俗也流傳下來，大小朋友可一起體驗箇中滋味。此外，今年香港仔龍舟競渡大賽籌備委員會特地請來資深紙紮師傅夏中建父子，利用傳統手藝，打造一條全港最長的紙紮龍舟，並會在香港仔海濱公園長廊展出，讓前來觀賽的人士把祝願卡掛在龍身，好意頭又有意思！