無線傳音靚聲比併

B&W Z2 AirPlay趕絕雜音

機Gor屋企嘅間隔多，數碼產品仲多，無線音響嘅接收能力差啲都會影響音色。Z2支援AirPlay傳音技術，用iPhone下載《Bowers & Wilkins Control》App，可將手機變成遙控器，仲能於同一網絡下互連多部Z2，睡房、書房各擺一部即可將音響系統互通。而且機身引進最新數碼放大及數碼音訊處理技術，能有效趕絕雜音，總之音色更靚啦！

規格表

傳音技術：AirPlay

單元：87.5mm全音×2

體積：320×180×100mm

重量：2.6kg

TDK Q35藍芽接駁方便

我平時出街都有用藍芽耳機，貪佢無線夠方便，返到屋企反而要吓吓駁線？梗係Say No！Q35引進藍芽2.1+EDR無線傳音技術，支援以A2DP規格連接iPhone播歌。唔好睇佢機仔細細，內置4組25mm全音單元，支援360度全方位發聲，仲備有1組101mm低音單元，想炸機聽勁歌都掂。最過癮係佢支援Qi無線充電功能，又內置充電池，帶出街可播足6小時。

87.5mm單元支援50Hz~20kHz頻率響應，機背還設有低音槽（圖示）。	售價：$2,380（b）	機身四角位分別設有4組25mm全音單元，提供全方位音場。

規格表

傳音技術：藍芽2.1+EDR

單元：25mm全音×4、101mm低音×1

體積：152×152×152mm

重量：2kg

AirPlay與藍芽解讀

AirPlay是Apple開發的無線傳輸技術，於iTunes 10.1版本首度引入，可透過Wi-Fi將電腦、iPhone等裝置內的歌曲，無線傳送至音響播放。

藍芽（Bluetooth）技術早於1994年由Ericsson提出，目的是將手機資訊無線傳至其他裝置，至今已推出至4.0+HS版本；

機Gor家居平面圖 於同一位置測試Z2及Q35無線音響，前者無論在客廳、睡房，廚房都接收清晰。	機頂設有Lightning插槽，支援接駁iPhone 5充電兼播歌。	只需將對應的手機放於Q35機頂或接駁USB線即可進行充電。

如Q35支援的2.1+EDR版本，加入了SSP技術改善Pairing保安，當中EDR代表Enhanced Data Rate提升數據傳輸率。

第1回合：客廳傳音清唔清？

喺睡房豆腐膶咁細嘅地方無線播歌，係機都收得清啦！機Gor一於將「戰線」拉長，將Z2及Q35擺出客廳，然後喺睡房用iPhone傳音。首先以藍芽連接Q35時，距離有7米左右，接收清晰流暢；直至我走進書房關上門先開始有點窒。跟住以Z2做同一測試，無論身處客廳或書房都極之流暢，關門時歌曲起初跳了一下，但之後冇再影響流暢度，可見AirPlay接收能力較強。

第2回合：音場包圍勁全面？

機Gor最鍾意攤喺床上嘅皇帝位聽歌，試聽後發覺Z2音色細緻全面，高低音層次分明。而Q35的層次感明顯不及前者，主因相信是其單元的口徑較細，加上唔係向着正面；但如各位經常喺屋企行來行去，其360度全方位發聲便是一大優勢，無論於任何角度都可接收到不俗音場，可謂各有所長。

第3回合：充電功能夠靈活？

近年的手機愈來愈食電，玩唔夠半日就要插「尿袋」，好彩新一代迷你音響既可播歌，又能為智能裝置充電，一物二用。以Z2為例，機頂設有Lightning插槽可接駁iPhone 5。而Q35的機背更設有USB插口和內置充電池，可帶出街戶外充電及無線播歌；最吸引是機身內置Qi無線充電功能，將對應的手機擺喺機頂即可「回氣」。

機Gor Report：無線音響大趨勢

機Gor好明白年輕人怕麻煩、怕駁線嘅心態，聽歌時仲要不時換碟，諗起都頭痛，所以無線音響是潮流大趨勢。Z2音色較靚，如果好似機Gor咁諗住喺睡房聽歌的話，絕對是首選。而Q35音色雖然輸咗少少，但售價平成千元，加上可帶出街使用，夠晒Gimmick。

達人教路：威達音響專家Vincent：「AirPlay室內一流，藍芽戶外播歌！」

「AirPlay接收較穩定，而且可以用一個網絡連線多部音響，近年不少玩家以此自建CAS（Computer Audio Sources）系統。而藍芽所支援的裝置較多，如果音響內置充電池便能隨時隨地連接手機、平板等無線播歌。」

Profile

機Gor

機不離身，不信Spec只信測試，不扮高深，懶理低俗，貪新不忘舊。

撰文：機Gor

查詢電話：（a）3472 9300、（b）2262 1173