1:6 Red Snapper 鐵人兄弟幫

苦等一年，Iron Man終於喺大銀幕同粉絲見面，不過今集Tony Stark更食腦，唔使吓吓親自落場，仲有隊Iron Man大軍「幫拖」，既滿足到一眾鐵人迷，亦提供更多機體畀玩具商發揮。Hot Toys便是其中之一，事先張揚會推出Red Snapper這個重裝Iron Man，體形比一般1:6 Figure大成個碼，本身已氣勢逼人，巨爪仲可以換落舊鐵人身上，好等玩家自組形態。
售 價︰$1,580<BR>預訂價︰$1,530（今年第4季推出）
售 價︰$1,580
預訂價︰$1,530（今年第4季推出）

重裝帶來新鮮感

Iron Man自1963年首次出場，單係漫畫已有超過40套裝甲出現，雖然今次電影只揀選部分機體出來，但Show Off時依然極度震撼。要出齊咁多款Figures，對任何玩具商來說都係不可能的任務，因此Hot Toys只挑選設計較特別或人氣較高的機體出來開發，Red Snapper便是其一。廠方表示：「佢嘅設定同以前Iron Man好唔同，相信可為玩家帶來新鮮感。我們之後還會推出更巨型的Igor，實行逼爆大家嘅玩具櫃。」

具靈活性的PPS

雖說只會揀部分機體推出，但同期還有MK XLII及Iron Patroit等主角機體，要讓Red Snapper趕及電影上映時間面世，改用關節量較少、機關較簡單嘅PPS（Power Pose Series）形式亦無可厚非。數數手指，會發現其關節只有20個左右，雖比一般MMS（Movie Masterpiece Series）作品少，但卻比對上一隻PPS版本的MK XLII靈活得多，基本上除了其腰腹之外，全身上下如一雙巨爪也能靈活擺動，而舉手時亦不失平衡，重心控制攞滿分！

鐵爪備有開合設計，而且沒有想像中重，舉手冇難度！
  • 鐵爪備有開合設計，而且沒有想像中重，舉手冇難度！
腳掌有埋電線等零件，配合舊化效果，機械感十足。
  • 腳掌有埋電線等零件，配合舊化效果，機械感十足。

部件可互換設計

Red Snapper於戲中曇花一現，多得廠方從電影公司取得原形草圖，讓玩家可更仔細地欣賞這款救災專用的Iron Man。單就Size而言，身高34cm的它已比一眾舊鐵人高出成個頭，而且跟以往Slim Body唔同，重裝甲下的它肌肉感十足，難得是塗裝極具金屬感，連骨架、伸縮桿等細位都做埋出來。另外，廠方當初推出PPS的原意，是希望部分組件可與MMS互換，今次終於做得到，新作不但可換上其他作品的頭雕，雙爪還能套用到MK IV或MK VI的Figure身上，呈現出連漫畫都冇嘅鐵人形態。

手肘及胸腹的零件相當複雜，電影裏完全看不到。
  • 手肘及胸腹的零件相當複雜，電影裏完全看不到。
附送金屬色地台及膠透明支架，方便擺出飛天甫士。
  • 附送金屬色地台及膠透明支架，方便擺出飛天甫士。
雙爪內藏拳頭，惟Figure沒有附送其他手掌，如有多幾隻可換手就Perfect。
  • 雙爪內藏拳頭，惟Figure沒有附送其他手掌，如有多幾隻可換手就Perfect。
頭部比以往Iron Man大，但由於底下的Ball Joint相同，因此可換上舊有Tony Stark頭雕。腳掌有埋電線等零件，配合舊化效果，機械感十足。
  • 頭部比以往Iron Man大，但由於底下的Ball Joint相同，因此可換上舊有Tony Stark頭雕。腳掌有埋電線等零件，配合舊化效果，機械感十足。
雙爪可換到舊有的MMS Figure（需另購），提供另類玩味。
  • 雙爪可換到舊有的MMS Figure（需另購），提供另類玩味。

＊圖中為試辦款式，與正式推出的版本或有若干分別。

撰文︰陳志滔

攝影︰郭凱敏

查詢電話︰2388 4677