全球最輕！EOS 100D 370g瘦身單反

女生一向貪靚，就算身形再Silm都依然想瘦啲，正如全球最細最輕的APS-C單反相機Canon EOS 100D，將本身已頗輕的同廠入門單反大幅減磅，令機身重量只有370g，以後大家再冇藉口話單反又大又重喇！輕巧便攜之餘，新機當然亦傳承了細緻畫質，而且操控更簡易，啱晒女生使用。

雖然瘦身後令手柄縮水，但對於手細嘅女仔來說啱啱好。

女士最啱

雖然近年男女影友嘅比例已近乎五比五，但不少女士都嫌單反太大部，傾向選擇細小的Mirrorless相機或DC。而100D的出現徹底令人改觀，其體積只有116.8×90.7×69.4mm，比同廠5D Mark II細兩三個碼，加上僅重370g，比375ml檸檬茶還要輕。可能手大嘅男士會覺得咁細咁輕有損手感，但對於女士來說就啱啱好，連Model都話單手拎住唔覺重。

易玩景深

玩前清後朦嘅景深效果，是不少影友升級單反之誘因，故新機於創意自動拍攝模式（Creative Auto）加入背景模糊功能，即使唔識調校光圈等設定，都能透過屏幕和轉盤改變景深效果。不少女生喜歡自拍之餘，影食物都相當講究，新機特別加入3種新場景模式，包括讓食物更吸引的食物模式、捕捉小朋友的兒童模式，以及適用於昏暗環境的燭光模式。拍片方面，還加入結合模型效果和縮時拍攝的新模式，讓用家可自行設定5、10和20倍快鏡的拍攝速度，玩法更添趣味。

機頂轉盤的「SCN」收納了6種場景模式。

背面按鍵鋪排簡潔，而且備有十字控制鈕。

擴充介面尚算齊備，有齊收音咪、USB、HDMI等。

觸控屏幕

縱使100D主打入門市場，但規格絕對見得人，配備1,800萬像素APS-C感光元件及DIGIC 5影像處理器，連拍速度可達每秒4張，加上感光度可擴展至H（ISO 25,600），即使手持拍攝夜景都冇問題。對焦系統則支援9點對焦點，更針對Live View引入全新Hybrid CMOS AF II系統，擴大相位檢測的Focus範圍。令人喜出望外的是機身配備3吋輕觸式屏幕，可利用多點觸控縮放影像，篤慣芒嘅用家自然駕輕就熟。

SD卡槽並非位於機側，而是設於機底電池位。	100D（右）的機身Size與全片幅5D Mark II（左）相比，好似大人與小朋友。	場景模式中，兒童、食物和燭光均屬新模式。
3吋屏幕支援多點觸控，可像智能手機般以兩指縮放影像。	售價：$6,480（連18~55mm STM鏡頭）	售價：$2,780（SX280 HS / 右）$2,380（SX270 HS / 左）