何苗春暉助愛女入行

何鴻章新抱何苗春暉（Joanna）前晚出席其創辦的香港兒童糖尿病協會籌款晚宴，坦言希望籌得200萬元善款，大女Natasha和細女Sophia亦到場支持。場地以馬戲作主題，並由曾幫李徐子淇愛女設計百日宴的設計師Silvio操刀，Joanna表示：「馬戲係一個有趣主題，適合年輕人，（設計師係李太介紹？）其實我同Silvio識咗好多年，活動佢sponsor咗好多，反而同李太唔係好熟。」而將讀畢大學的Natasha希望加入公關行列，問Joanna可會為她建立渠道？她說：「希望幫到佢，不過佢都想自己做吓。」
何苗春暉兩名女兒Natasha（左）與Sophia（右）到場支持。
何苗春暉兩名女兒Natasha（左）與Sophia（右）到場支持。

同場的李錦記新抱Mahnaz Lee與老公李惠雄拍拖到場，她表示前來支持好友Joanna，又透露11月會舉行其創立的婦女慈善活動，希望幫助有需要婦女。

李惠雄與太太Mahnaz為善不甘後人。
  • 李惠雄與太太Mahnaz為善不甘後人。