旅人時光：假期後乜樣
因為年中9成的日本之旅，都是有工作在身，偶爾一個非工作假期，實在可讓我好好放下工作情緒，急叉數天的電。
由這個新年度開始，三個長短旅程中有兩個是日本以外的非工作假期，記得當最後的一個完畢，坐在機艙內等候降落香港機場的我，無意識地望出窗外漆黑一片的夜空，玻璃即場反映了自己的面容，我看一看那副倦極的殘樣，突然一陣無奈心情湧上心頭，腦海頓時閃出了一句：「年初四咁嘅樣」！
是的，我終於深深領悟到電影《行運一條龍》中，周星馳講過的名句「年初四咁嘅樣」，是一副怎麼的模樣了。正所謂「年初四咁嘅樣」，就是：「年初四，假又放完，錢又使晒，仲要返工，點會好樣呢？」
再看自己其實經已進級「升呢」，我尚且嘗試形容為「返港咁嘅樣」，如何？「旅行又玩完，假又放完，錢又使晒，工又要返，仲捱了幾粒鐘飛機坐到腰痠背痛，直情是灰樣吧。」再多看自己一眼，果然灰到爆。
總覺得放假去旅行是一種逃避現實的事情，放下煩惱撤離家門一會好讓身心都充電去，扮瀟灑出走一回。然而，夢是有醒的一天，當飛機將自己由美麗的夢想世界載回殘酷的現實生活裏，個樣又會靚得去邊呢？
網址：www.facebook.com/lamwaimei/