ZOPO三劍俠看招！

GALAXY S4屏幕變為5吋，傳聞下一代Note嘅芒仲會加大，足證大芒機市場無限。

國產品牌ZOPO一口氣推出3款大芒機，分別為Leader Max ZP958、Leader ZP908及Libero HD ZP808，當中以旗艦作ZP958最有睇頭，5.7吋高清芒配合1.2GHz四核心處理器，二千多元便有交易，用來睇片Fit到漏，這招「平玩大芒」足以令人心動。

IPS大屏幕

驟眼睇ZP958嘅圓角設計似足Note II，連機背嘅髮絲紋都跟足，原創性要扣分。而仔細睇新機不但邊位順滑咗，5.7吋屏幕嘅解像度仲去到1,280×720高清級數，拍埋日韓大廠機款一啲都唔輸蝕，畫面清晰夠光，對比度又夠高。除了屏幕夠大，估唔到連鏡頭像素都高過人，其前後置鏡頭分別達500萬像素及1,200萬像素，對焦反應極快，仲有場景模式、色彩效果等拍攝設定，功能多多。

支援雙SIM卡及microSD卡作擴充，不過要拆殼拆電先換到。

跟機備有兩枚2,500mAh電池，用足一天都冇問題。

機面設有Home掣，而Back等常用掣以虛擬按鍵操控。

雙卡四核

國產機想趕上大廠出品，規格當然要升級。新機搭載1.2GHz四核心處理器，屬台灣MTK6589晶片，玩Apps、上網都唔窒，就算播埋1,080p影片都冇Lag機。此外，新機仲有雙卡雙待功能，兩張SIM卡可同時支援GSM四頻制式，SIM 1插槽仲能3G上網，中港兩邊走嘅人士最啱用。作業系統則採用Android 4.1，雖然介面只屬公版大路貨色，但好消息係一改上代不設Google服務問題，出機有齊Play Store、Gmail等常用工具，實在要畀Like。

「SIM卡管理」內可選擇上網、通話等功能的預設SIM卡。

「SIM卡管理」內可選擇上網、通話等功能的預設SIM卡。

自家《記事本》App較為實用，可分類記低備忘。

ZP958規格表

制式：GSM四頻、WCDMA

試片區上網試播NBA高清片段，聲畫同步又流暢，以5.7吋芒睇極盡視覺享受。	Leader ZP908 5.3吋售價：$2,380 機面的Home鍵左右隱藏了背光輕觸鍵。	據知賣街版的鏡頭會由800萬像素提升至1,200萬像素。
Libero HD ZP808 5吋售價：$2,480 外形與同廠新機差唔多，不過機面加入輕觸鍵。	採用磨沙機背設計，帶出街唔怕跣手。